Qasym-Jomart Toqaev Qytaimen shekaradaǵy sybailas jemqorlyqtyń kózin joiýdy tapsyrdy. Bul da jedel sheshýge bolatyn sharýa.
Pandemiianyń aldynda Qazaqstan men Qytaidyń arasyndaǵy ekonomikalyq aimaqqa barǵanymyz bar edi.
Sol kezde taiaq tastam, 7-8 shaqyrym jerge avtobýspen jetý úshin qarapaiym halyq 1500-2000 teńge tólep, áldebir toptyń qaltasyn qampaityp jatqanyn kýá bolǵanbyz. Al taksielerińiz 4-5 myń teńge suraidy. Júk alyp keri qaitqanda álgilerdiń aqsy eselep ósetinin baiqadyq.
Al shekaranyń bergi betinde Jarkenttiń qarapaiym taksit jigitter ekonomikalyq aimaq ishinde jumys istei alamai, saly sýǵa ketip turǵanyn da kórdik. Sol kezde mundaǵy biznestiń bári «otbasyna» tiesili eken degen áńgimeni qulaǵymyz shalyp qaldy. Biraq onyń shyndyq ekenine kóz jetkze almadyq. Kóz jetkizgenimiz «Qorǵas» shekaralyq aimaǵy jemqorlyqqa belsheden batqany anyq. Buǵan búgin Prezidenttiń ózi búgin airyqsha nazar aýdardy.
Endigi jerde shekara mańyndaǵy tasymaldaý isin jeke bireýdiń biznesine ainaldyrý isine jol bermeýimiz kerek. Týristerdi tasymaldaý isine qarapaiym taksitterde aralasyp, nan tabýyna jol ashý kerek.
Kedenshiler men shekarashylar qarpaiym halyqtyń júgi 50 keliden sál asyp ketse, júkterin laqytyryp, ábigerge túsirý ádetke ainalǵan. Al aýyz jalasqan jemqorlar júk kóligimen salyq tólemei júk alyp ótse, oǵan kóz juma qaraǵany jasyryn emes.
«Qorǵas» shekaralyq aimaǵy mańynda budandan asqan jaittar jetip artylady. Bizdiń aitqanymyz sony biri ǵana.
