Bul jaiynda Ishki ister ministriniń orynbasary Aleksei Kalaichidi aitty dep habarlaidy Dalanews.kz.
"Arandatpa aqparat taratqan adamdy taptyq. Eń soraqysy álgi adam kontentti túrli áleýmettik jelilerge júktei otyra, onyń astyna ultarazdyqty qozdyratyn pikirdi qosa jazǵan. Jastardyń kóshege shyǵýyna osy sebep bolǵan, – deidi Kalaichidi.
Ministrlik eldiń ózge de óńirlerinen provokatorlardy izdep taýypty.
"Olardyń arasynda myna menimen jasty (57 jasar) azamattar da bar. Olar oqiǵa oryn jerge at izin salmaǵan, alaida áleýmettik jelige jinigip, jóndi-jónsiz videolardy júktei jónelgen. Sonyń saldarynan Qordaidaǵy ahýal asqynyp ketti", – deidi ol.
Arandatýshylardy arty-artynan anyqtap jatqan Ishki ister ministrligi álgilerdi abaqtyǵa qamai ma?
Kalachidiń aitýynsha ázirge ultaralyq janjal týǵyzǵan kontentti áleýmettik jelige jariialap jibergender anyqtalý ústinde.
"Jelige júktemes buryn aqparatty anyqtap alyńyzdar. Mundaiǵa muqiiat bolǵan jón. Oqiǵa ortasynda júrip túrli qaýeset taratqandar da jetip artylady. Keibireýler kikiljińdi videoǵa túsirý úshin kelgen. Endi bireýler oqiǵanyń bel ortasynda júrgen. Osy janjalǵa qatysy bar kýágerlerdiń bárimen tildesemiz. Derek jinaýymyz kerek, sodan keiin baryp sheshim shyǵaramyz", – deidi Kalaichidi.
Sózine qaraǵanda politseiler eldi urda-jyqqa uryndyrǵandyń birazyn erkine jibergen.
"Bizge anyq-qanyq málimet bergen jáne tergeýge kedergi keltirmeidi-aý degenderdi bosattyq. Olardy abaqtyda ustaǵannan ne utamyz? Budan bólek Ishki ister ministrligi UQK-men birlesip Qyrǵyzstan shekarasyn kesip ótken azamattarǵa qatysty tergeý amalyn júrgizýde", – dedi ol.
