Qordaida politsiiaǵa jabylǵan aǵaiyndy Voingýilar qamaýǵa alyndy
2020 jyly 7 aqpanda Jambyl oblysy, Qordai aýdany, Sortóbe aýylynda kezekshilik qyzmetin atqaryp júrgen jol politsiiasy qyzmetkerleri Voingýi degen azamat tizgindegen Honda Odyssey kóligin toqtatqan. Teksere kele, kólik qujattary bolmaǵan kólik iesinen politsiia bólimine erip júrý suralǵan. Alaida politsiianyń bul talaptaryn oryndamaǵan ol óz úiine tartqan. Úii aldynda aǵalary Voingýi A. jáne Voingýi M. – bári birge politsiia qyzmetkerlerine kúsh qoldanǵan, delingen QR Bas prokýratýrasynyń taratqan aqparatynda.
Atalǵan fakti boiynsha Bas prokýratýranyń arnaiy prokýrory Qylmystyq kodekstiń 380-baby 1-bóligi, iaǵni "Bilik ókiline qatysty kúsh qoldaný" boiynsha sotqa deiingi tergeý isin júrgizdi.
Úsh aiyptalýshy kinásin tolyq moiyndap, tergeý sotynyń kelisimimen qamaýǵa alyndy. 14 aqpanda qylmystyq is aiyptaý aktisimen Qordai aýdandyq sotyna jiberildi, dep habarlady quzyrly vedomstvadaǵylar.
