2020 جىلى 7 اقپاندا جامبىل وبلىسى، قورداي اۋدانى، سورتوبە اۋىلىندا كەزەكشىلىك قىزمەتىن اتقارىپ جۇرگەن جول پوليسياسى قىزمەتكەرلەرى ۆوينگۋي دەگەن ازامات تىزگىندەگەن Honda Odyssey كولىگىن توقتاتقان. تەكسەرە كەلە، كولىك قۇجاتتارى بولماعان كولىك يەسىنەن پوليسيا بولىمىنە ەرىپ ءجۇرۋ سۇرالعان. الايدا پوليسيانىڭ بۇل تالاپتارىن ورىنداماعان ول ءوز ۇيىنە تارتقان. ءۇيى الدىندا اعالارى ۆوينگۋي ا. جانە ۆوينگۋي م. – ءبارى بىرگە پوليسيا قىزمەتكەرلەرىنە كۇش قولدانعان، دەلىنگەن ق ر باس پروكۋراتۋراسىنىڭ تاراتقان اقپاراتىندا.
اتالعان فاكتى بويىنشا باس پروكۋراتۋرانىڭ ارنايى پروكۋرورى قىلمىستىق كودەكستىڭ 380-بابى 1-بولىگى، ياعني "بيلىك وكىلىنە قاتىستى كۇش قولدانۋ" بويىنشا سوتقا دەيىنگى تەرگەۋ ءىسىن جۇرگىزدى.
ءۇش ايىپتالۋشى كىناسىن تولىق مويىنداپ، تەرگەۋ سوتىنىڭ كەلىسىمىمەن قاماۋعا الىندى. 14 اقپاندا قىلمىستىق ءىس ايىپتاۋ اكتىسىمەن قورداي اۋداندىق سوتىنا جىبەرىلدى، دەپ حابارلادى قۇزىرلى ۆەدومستۆاداعىلار.
