Buǵan deıin belgisiz bireýler depýtat Bazarbektiń balasynyń koláskasyn órtep ketkeni týraly aqparat taraǵan.
– Meniń otbasyma belgisiz bireýlerden qoqan-loqqyǵa uqsaıtyn áreketter bastaldy. Kishkentaı balapanymnyń koláskasyn kvartıramyzdyń esigi aldynda jaǵyp jibergen. Osylaı, Eski Qazaqstannyń ókilderi óziniń bar-joǵyn eskertip, bildirtip otyrǵandaı sezinesiń! – dep jazdy depýtat.
Baqytjan Bazarbektiń ózi májiliste jer máselesin jıi kóteredi. Eki kún buryn ǵana bir top senatordyń «Jer kodeksine kúmándi jáne asa qaýipti túzetýdi usynyp» otyrǵanyn, senatorlar qorǵalatyn tabıǵı aýmaqtardyń bir bóligin aýyldy eldi mekenderdiń quramyna aýystyrý múmkindigin berýge tyrysyp jatqanyn málim etken edi.
