Onyń aitýynsha, partiia ataýynan kommýnistik sózin alyp tastaý qatelik.
Vladislav Kosarev, Májilis depýtaty:
- Áriptesterim partiiamyzdyń ataýyndaǵy kommýnistik sózin alyp tastai otyryp, keshirýge kelmeitin saiasi qatelik jasady. Sol áreketterimen meni satyp ketti dese bolady. Jalpy Kommýnister partiiasynyń parlamentke enýine aianbai ter tóktim. Endi sony joqqa shyǵarmaq. Ári parlamenttegi oryndarynan aiyrylyp qalmaý úshin, áldebireýlerge unamaityn kommýnizm sózinen bas tartyp otyr.
Esterińizge sala keteiik Qazaqstan halyqtyq kommýnistik partiiasy kezekten tys sezinde ataýyn ózgertti. Uiym ataýynan "kommýnistik" sózi alyp tastaldy. Partiia músheleriniń basym bóligi rebrendingti qoldaǵan. Al májilis depýtaty Vladislav Kosarev buǵan úzildi-kesildi qarsy.
Aita ketsek, Májilistegi eń egde depýtat jýyrda ǵana 83-ke toldy. Májilistegi "Halyq kommýnisteri" fraktsiiasynyń múshesi, Halyqaralyq ister, qorǵanys jáne qaýipsizdik komitetiniń múshesi. Al Halyqtyq partiianyń habarlaýynsha, Kosarevtiń ózinen partiiadan shyǵý týraly resmi ótinish túspegen. Eger partiiadan shyǵar bolsa, mandatynan aiyrylyp, májilistegi ornyn bosatýǵa mindettelmek. Kosarevtiń ózi bolsa, jaqtastaryn jinap, jańa partiia qurý isine kirisip ketken.
Vladislav Kosarev, Májilis depýtaty:
- Tórt-bes oblysta uiymdastyrý komitetteri jumystaryn bastap ketti. Olar partiia quramyn jasaqtaýmen ainalysyp jatyr. Bul qiyn sharýa, aldymyzda tosqaýyl kóp. Kommýnisttik partiia tarihynyń ózi kúreske toly, sondyqtan demalysty ysyryp tastap, kommýnizm ideiasynyń ornyǵýy úshin kúsh salamyn.
