Qonaev qalalyq sanitarlyq-epidemiologiialyq basqarmasy anafelogendi sý qoimalarynda bezgek masalaryna qarsy óńdeýdiń 1-kezeńin 05 sáýirde jáne 2-kezeńin 13 mamyrda ótkizdi. Qonaev qalasynyń aýmaǵynda ornalasqan jalpy aýdany 70,0 ga bolatyn 60 anofelogendi sý qoimalary bar. Qoimalarda bezgek masalary óte kóp shoǵyrlanǵan. Óńdeý úshin Qazaqstanda ruqsat etilgen dárilik zattar qoldanylýda. Atalǵan shara entomologiialyq kórsetkishter boiynsha júrgizilip, aldyn ala belgilengen josparǵa sáikes ótýde, dep habarlaidy Dalanews.kz.
Budan bólek, TÚKSh bólimi turǵyn úilerdiń jertólesin masaǵa qarsy óńdeýde. Qala ákimdiginiń TÚKSh bóliminiń málimetinshe, turǵyn úilerdiń jertólelerinde masaǵa, tarakandarǵa, búrgelerge qarsy óńdeý jumystary júrip jatyr. Qazirgi tańda merdiger kompaniia 2 shaǵyn aýdandaǵy úilerdi dezinsektsiialaýda, jalpy barlyq turǵyn úilerdi qamtý josparlanǵan. Ýlaý jumystary júretinniń aldynda páter ieleri jáne kooperativterdiń basshylaryna eskertiledi.
Sondai-aq qamys, ashyq jatqan aýmaqtar, parkter, skverler de nazardan tys qalǵan joq. Mundaǵy dezinsektsiialaý jumysymen sanitarlyq-epidemiologiialyq baqylaý basqarmasy ainalysýda. Óńdeletin aimaq 11 ga-dan astam. Óńdeý jumystary kezeń-kezeńimen jazdyń sońyna deiin júredi.
