Qonaevta jergilikti deńgeıdegi tótenshe jaǵdaı rejımi engizildi, dep habarlaıdy Dalanews.kz.

Qonaev qalasynda 11–12 jeltoqsanǵa qaraǵan túni soqqan qatty jel saldarynan birqatar turǵyn úıler men ǵımarattardyń shatyrlary búlinip, kóshe jaryqtandyrý tirekteriniń jumysy isten shyqty. Jel ekpini sekýndyna 25 metrden asqan.

Qoldanystaǵy zańnama talaptaryna saı («Azamattyq qorǵaý týraly» jáne «Jergilikti memlekettik basqarý jáne ózin-ózi basqarý týraly» zańdar), qala ákimi tabıǵı sıpattaǵy jergilikti aýqymdaǵy tótenshe jaǵdaı jarıalaý týraly sheshim qabyldady. 17 jeltoqsannan bastap Qonaevta TJ rejımi resmı túrde kúshine endi.

Zardap shekken nysandardy qalpyna keltirý úshin tótenshe jaǵdaılarǵa arnalǵan rezerv qarajaty tartylmaq.

11 jeltoqsannan beri komýnaldyq qyzmetter kúsheıtilgen tártipte jumys istep jatyr. Qazirgi tańda qaladaǵy ahýal turaqty: elektr, sý jáne jylýmen jabdyqtaý júıeleri qalypty rejımde jumysyn jalǵastyrýda.