قونايەۆتا جەرگىلىكتى دەڭگەيدەگى توتەنشە جاعداي رەجيمى ەنگىزىلدى، دەپ حابارلايدى Dalanews.kz.
قونايەۆ قالاسىندا 11–12 جەلتوقسانعا قاراعان ءتۇنى سوققان قاتتى جەل سالدارىنان ءبىرقاتار تۇرعىن ۇيلەر مەن عيماراتتاردىڭ شاتىرلارى ءبۇلىنىپ، كوشە جارىقتاندىرۋ تىرەكتەرىنىڭ جۇمىسى ىستەن شىقتى. جەل ەكپىنى سەكۋندىنا 25 مەتردەن اسقان.
قولدانىستاعى زاڭناما تالاپتارىنا ساي («ازاماتتىق قورعاۋ تۋرالى» جانە «جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى» زاڭدار)، قالا اكىمى تابيعي سيپاتتاعى جەرگىلىكتى اۋقىمداعى توتەنشە جاعداي جاريالاۋ تۋرالى شەشىم قابىلدادى. 17 جەلتوقساننان باستاپ قونايەۆتا تج رەجيمى رەسمي تۇردە كۇشىنە ەندى.
زارداپ شەككەن نىسانداردى قالپىنا كەلتىرۋ ءۇشىن توتەنشە جاعدايلارعا ارنالعان رەزەرۆ قاراجاتى تارتىلماق.
11 جەلتوقساننان بەرى كوممۋنالدىق قىزمەتتەر كۇشەيتىلگەن تارتىپتە جۇمىس ىستەپ جاتىر. قازىرگى تاڭدا قالاداعى احۋال تۇراقتى: ەلەكتر، سۋ جانە جىلۋمەن جابدىقتاۋ جۇيەلەرى قالىپتى رەجيمدە جۇمىسىن جالعاستىرۋدا.
