Qonaev qalasynda «Taza Qazaqstan» baǵdarlamasy aiasynda shahardaǵy tazalyq máselesine asa kóńil bólinip jatyr. Ortaq paidalanylatyn oryndardy lastaǵan 39 tulǵaǵa aiyppul salyndy,- dep habarlaidy Dalanews.kz
Qonaevta zańsyz qoqys úiindilerin joiý, QR zańnamasy sheńberinde bekitilgen erejelerdi buzǵan tulǵalarmen túsindirme jumystaryn júrgizý, aiyppul salý sharalary qolǵa alyndy.
Mysaly, 1-8 naýryz aralyǵynda QR ÁQBtK-niń 434-2-babyna (Ortaq paidalanylatyn oryndardy lastaý) sáikes, 39 hattama toltyrylyp, 766 myń teńgeden astam somaǵa aiyppul salyndy.
Odan bólek, QR ÁQBtK-niń 505-babyna sai (Qalalar men eldi mekenderdiń aýmaqtaryn abattandyrý qaǵidalaryn buzý, sondai-aq qalalar men eldi mekender infraqurylymy obektilerin buzý, jasyl ekpelerin joiý jáne búldirý), 92 jeke jáne zańdy tulǵaǵa 943 680 teńge aiyppul salyndy.
Atalǵan baǵyttaǵy jumystar ary qarai da jalǵasady.
Qonaev qalasy ákimdigi turǵyndardan zańnamany buzbaýdy jáne tazalyq erejelerin saqtaýdy surady.
