قونايەۆ قالاسىندا «تازا قازاقستان» باعدارلاماسى اياسىندا شاھارداعى تازالىق ماسەلەسىنە اسا كوڭىل ءبولىنىپ جاتىر. ورتاق پايدالانىلاتىن ورىنداردى لاستاعان 39 تۇلعاعا ايىپپۇل سالىندى،- دەپ حابارلايدى Dalanews.kz

قونايەۆتا زاڭسىز قوقىس ۇيىندىلەرىن جويۋ، ق ر زاڭناماسى شەڭبەرىندە بەكىتىلگەن ەرەجەلەردى بۇزعان تۇلعالارمەن تۇسىندىرمە جۇمىستارىن جۇرگىزۋ، ايىپپۇل سالۋ شارالارى قولعا الىندى.

مىسالى، 1-8 ناۋرىز ارالىعىندا ق ر اقبتك-نىڭ 434-2-بابىنا (ورتاق پايدالانىلاتىن ورىنداردى لاستاۋ) سايكەس، 39 حاتتاما تولتىرىلىپ، 766 مىڭ تەڭگەدەن استام سوماعا ايىپپۇل سالىندى.

ودان بولەك، ق ر اقبتك-نىڭ 505-بابىنا ساي (قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ، سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ، جاسىل ەكپەلەرىن جويۋ جانە ءبۇلدىرۋ)، 92 جەكە جانە زاڭدى تۇلعاعا 943 680 تەڭگە ايىپپۇل سالىندى.

اتالعان باعىتتاعى جۇمىستار ارى قاراي دا جالعاسادى.

قونايەۆ قالاسى اكىمدىگى تۇرعىنداردان زاڭنامانى بۇزباۋدى جانە تازالىق ەرەجەلەرىن ساقتاۋدى سۇرادى.