Qonaev qalasynyń ákimi Ashat Berdihanov gaz qubyryn tartý jobasyn jasaýshy birneshe kompaniia ókilderimen, tiisti bólim basshylarymen kezdesý ótkizdi. Jiyn barysynda Qonaev qalasyn gazben qamtamasyz etý máselesi talqylandy, dep habarlaidy Dalanews.kz.
Qazirgi tańda qala men oǵan qarasty eldimekenderde 6425 tutynýshy gazǵa qosylǵan. Onyń ishinde 5136 páter, kásiporyndar men memlekettik mekemeler bar.
Jalpy shahardaǵy nysandardyń kógildir otynǵa qosylý úlesi 34 paiyzdy quraidy. Biyl Seifýllin kóshesi men № 1, 2, 4, 18, Ivýshka shaǵyn aýdandarynda gaz qubyryn tartýdy aiaqtaý josparlanǵan. Al №19-20, Spýtnik, Arna, Raýan, 12A, 12V shaǵyn aýdandaryna gaz qubyryn júrgizý úshin jobalyq-smetalyq qujaty ázirlenip, memlekettik saraptamanyń oń qorytyndysynǵannan keiin, 2025 jyly qurylys-montaj jumystary bastalady dep josparlanǵan.
Sondai-aq Qonaev qalasy oblys ortalyǵy bolǵaly qurylys qarqyndy júrip, halyq sany kúnnen kúnge kóbeiip keledi. Osyǵan bailanysty qosymsha avtomattandyrylǵan gaz taratý stantsiiasy men gaz taratý jelilerin tartý qajettiligi týyndap otyr. Atalǵan baǵytta da jumystar júrgiziledi.
Jiyn barysynda qala ákimi burynǵy saiajai aýmaqtaryna, Sheńgeldi aýyldyq okrýginiń eldimekenderine gaz tartý týraly usynys daiyndaýdy tapsyrdy. Bul shara iske assa, kógildir otynmen qamtylatyn aimaqtyń shekarasy ulǵaiady.
Aita keterligi, qaladaǵy páterler men jeke turǵyn úiler jaýapty mekemege túsken ótinishterge bailanysty kógildir otynǵa qosylady.
