قونايەۆ قالاسىنىڭ اكىمى اسحات بەردىحانوۆ گاز قۇبىرىن تارتۋ جوباسىن جاساۋشى بىرنەشە كومپانيا وكىلدەرىمەن، ءتيىستى ءبولىم باسشىلارىمەن كەزدەسۋ وتكىزدى. جيىن بارىسىندا قونايەۆ قالاسىن گازبەن قامتاماسىز ەتۋ ماسەلەسى تالقىلاندى، دەپ حابارلايدى Dalanews.kz. 

قازىرگى تاڭدا قالا مەن وعان قاراستى ەلدىمەكەندەردە 6425 تۇتىنۋشى گازعا قوسىلعان. ونىڭ ىشىندە 5136 پاتەر، كاسىپورىندار مەن مەملەكەتتىك مەكەمەلەر بار.

جالپى شاھارداعى نىسانداردىڭ كوگىلدىر وتىنعا قوسىلۋ ۇلەسى 34 پايىزدى قۇرايدى. بيىل سەيفۋللين كوشەسى مەن № 1، 2، 4، 18، يۆۋشكا شاعىن اۋداندارىندا گاز قۇبىرىن تارتۋدى اياقتاۋ جوسپارلانعان. ال №19-20، سپۋتنيك، ارنا، راۋان، 12ا، 12ۆ شاعىن اۋداندارىنا گاز قۇبىرىن جۇرگىزۋ ءۇشىن جوبالىق-سمەتالىق قۇجاتى ازىرلەنىپ، مەملەكەتتىك ساراپتامانىڭ وڭ قورىتىندىسىنعاننان كەيىن، 2025 جىلى قۇرىلىس-مونتاج جۇمىستارى باستالادى دەپ جوسپارلانعان.

سونداي-اق قونايەۆ قالاسى وبلىس ورتالىعى بولعالى قۇرىلىس قارقىندى ءجۇرىپ، حالىق سانى كۇننەن كۇنگە كوبەيىپ كەلەدى. وسىعان بايلانىستى قوسىمشا اۆتوماتتاندىرىلعان گاز تاراتۋ ستانسياسى مەن گاز تاراتۋ جەلىلەرىن تارتۋ قاجەتتىلىگى تۋىنداپ وتىر. اتالعان باعىتتا دا جۇمىستار جۇرگىزىلەدى.

جيىن بارىسىندا قالا اكىمى بۇرىنعى ساياجاي اۋماقتارىنا، شەڭگەلدى اۋىلدىق وكرۋگىنىڭ ەلدىمەكەندەرىنە گاز تارتۋ تۋرالى ۇسىنىس دايىنداۋدى تاپسىردى. بۇل شارا ىسكە اسسا، كوگىلدىر وتىنمەن قامتىلاتىن ايماقتىڭ شەكاراسى ۇلعايادى.

ايتا كەتەرلىگى، قالاداعى پاتەرلەر مەن جەكە تۇرعىن ۇيلەر جاۋاپتى مەكەمەگە تۇسكەن وتىنىشتەرگە بايلانىستى كوگىلدىر وتىنعا قوسىلادى.