Astanada qala turǵyndary men qonaqtar bos ýaqytyn jaily ári densaýlyǵyna paidaly kúide ótkize alatyn jańa tartymdy oryndar kóptep ashylýda. Sońǵy jyldary elordada 900-den astam aýla men qoǵamdyq keńistik (saiabaqtar, gúlzarlar, jelekjoldar) abattandyryldyú Olar – kópir asty keńistikter, "Teatr" býlvary ("Jastar" saraiynan Mýzykalyq jas kórermen teatryna deiin), "Demalys promenade", qutqarýshylardyń, muǵalimderdiń, meditsina qyzmetkerleriniń qurmetine arnalǵan gúlzarlar, kóshe sporty kolizeii.
Máselen biyl qalada Beibitshilik jáne kelisim saraiy aýdanynda amfiteatr, qalanyń oń jaǵalaýynda taǵy bir jaiaý júrginshiler joly, "Vstrecha" SÚ janyndaǵy qoǵamdyq keńistik, "Beibitshilik jáne kelisim" saiabaǵy, qalalyq alań, jelekjoldar salynǵanyn atap aitýǵa bolady.
Abattandyrý kezinde eldi mekenderge erekshe nazar aýdarylýda. Qazirgi tańda Astanamen irgeles jatqan eldi mekenderdiń ózinde 300-ge jýyq aýla men qoǵamdyq keńistik abattandyrylǵan. Aitalyq, Kóktal aýmaǵynda 16 gektardy alyp jatqan saiabaq salyndy.
Qoǵamdyq keńistikter men aýla aýmaqtarynda árkim óz qalaýy boiynsha serýen quryp, balalar basketbol, fýtbol alańdarynda qalýynsha oinaýyna múmkindik jasalǵan. Al workout-aimaqtar, tynysh kúide demalatyn múmkindi qarastyrylǵan. Munda átkenshekter, shyǵarmashylyq talantyn pash etýge arnalǵan sahnalar, konki-aimaqtar bar.
2023 jyly Úrker (Ilinka), Telman eldi mekenderindegi, Sh.Aitmatov kóshesindegi, J.Táshenov jáne T.Hýsein kósheleriniń qiylysyndaǵy, Abai dańǵylynda gúlzarlardy abattandyrý josparlanyp otyr.
Sol siiaqty Kúishi Dina kóshesinen Mustafin kóshesine deiin, Júrgenov kóshesi, 28/1, Qoshqarbaev kóshesi, 45, Qordai jáne Taiqazan kósheleriniń qiylysynda, K.Ázirbaev kóshesi, 10-14 jáne Abylaihan dańǵylynyń boiynda saiabaqtarda (gúlzarlar, jelekjoldar) túrlene túsetin bolady.
Eń bastysy aldaǵy jyly elorda turǵyndary kópten kútken Kishi Taldykól aýmaǵynda ekopark boi kóteredi. Ekopark jobasy aýmaqty abattandyrýdy, sý balansyn saqtai jáne tolyqtyra otyryp, rekreatsiialyq aimaq qurýdy kózdelgen.
