استانادا قالا تۇرعىندارى مەن قوناقتار بوس ۋاقىتىن جايلى ءارى دەنساۋلىعىنا پايدالى كۇيدە وتكىزە الاتىن جاڭا تارتىمدى ورىندار كوپتەپ اشىلۋدا. سوڭعى جىلدارى ەلوردادا 900-دەن استام اۋلا مەن قوعامدىق كەڭىستىك (ساياباقتار، گۇلزارلار، جەلەكجولدار) ءاباتتاندىرىلدىۇ ولار – كوپىر استى كەڭىستىكتەر، "تەاتر" بۋلۆارى ("جاستار" سارايىنان مۋزىكالىق جاس كورەرمەن تەاترىنا دەيىن)، "Demalys promenade"، قۇتقارۋشىلاردىڭ، مۇعالىمدەردىڭ، مەديسينا قىزمەتكەرلەرىنىڭ قۇرمەتىنە ارنالعان گۇلزارلار، كوشە سپورتى كوليزەيى.
ماسەلەن بيىل قالادا بەيبىتشىلىك جانە كەلىسىم سارايى اۋدانىندا امفيتەاتر، قالانىڭ وڭ جاعالاۋىندا تاعى ءبىر جاياۋ جۇرگىنشىلەر جولى، "ۆسترەچا" ءسۇ جانىنداعى قوعامدىق كەڭىستىك، "بەيبىتشىلىك جانە كەلىسىم" ساياباعى، قالالىق الاڭ، جەلەكجولدار سالىنعانىن اتاپ ايتۋعا بولادى.
اباتتاندىرۋ كەزىندە ەلدى مەكەندەرگە ەرەكشە نازار اۋدارىلۋدا. قازىرگى تاڭدا استانامەن ىرگەلەس جاتقان ەلدى مەكەندەردىڭ وزىندە 300-گە جۋىق اۋلا مەن قوعامدىق كەڭىستىك اباتتاندىرىلعان. ايتالىق، كوكتال اۋماعىندا 16 گەكتاردى الىپ جاتقان ساياباق سالىندى.
قوعامدىق كەڭىستىكتەر مەن اۋلا اۋماقتارىندا اركىم ءوز قالاۋى بويىنشا سەرۋەن قۇرىپ، بالالار باسكەتبول، فۋتبول الاڭدارىندا قالۋىنشا ويناۋىنا مۇمكىندىك جاسالعان. ال workout-ايماقتار، تىنىش كۇيدە دەمالاتىن مۇمكىندى قاراستىرىلعان. مۇندا اتكەنشەكتەر، شىعارماشىلىق تالانتىن پاش ەتۋگە ارنالعان ساحنالار، كونكي-ايماقتار بار.
2023 جىلى ۇركەر (يلينكا)، تەلمان ەلدى مەكەندەرىندەگى، ش.ايتماتوۆ كوشەسىندەگى، ج.تاشەنوۆ جانە ت.حۋسەين كوشەلەرىنىڭ قيىلىسىنداعى، اباي داڭعىلىندا گۇلزارلاردى اباتتاندىرۋ جوسپارلانىپ وتىر.
سول سياقتى كۇيشى دينا كوشەسىنەن مۇستافين كوشەسىنە دەيىن، جۇرگەنوۆ كوشەسى، 28/1، قوشقاربايەۆ كوشەسى، 45، قورداي جانە تايقازان كوشەلەرىنىڭ قيىلىسىندا، ك.ازىربايەۆ كوشەسى، 10-14 جانە ابىلايحان داڭعىلىنىڭ بويىندا ساياباقتاردا (گۇلزارلار، جەلەكجولدار) تۇرلەنە تۇسەتىن بولادى.
ەڭ باستىسى الداعى جىلى ەلوردا تۇرعىندارى كوپتەن كۇتكەن كىشى تالدىكول اۋماعىندا ەكوپارك بوي كوتەرەدى. ەكوپارك جوباسى اۋماقتى اباتتاندىرۋدى، سۋ بالانسىن ساقتاي جانە تولىقتىرا وتىرىپ، رەكرەاسيالىق ايماق قۇرۋدى كوزدەلگەن.
