Aqnár Gúlstannyń jumbaq jaǵdaida kóz jumýy qoǵamda túrli suraq týǵyzyp jatqan tusta, onyń anasy - Gúlstan Hamit jaily aýyr aiyptaýlar jariia etildi. Qytaida anasymen birge jumys istegen qazaq áiel úndeý jasady. Avtor óz aty-jónin jasyrýdy suraǵanymen, materialdaǵy árbir sózge jaýap beretinin málimdedi, dep habarlaidy Dalanews.kz.
«Gúlstan bizdi kóz jasymyzǵa qaldyrdy»
Avtordyń aitýynsha, Gúlstan Hamit 2014 jyly basshylyq qyzmet atqarǵan. Sol jyly ekeýine de (avtor men Aqnárdiń anasyna) “emotsionaldy turaqsyz tulǵalyq buzylys” diagnozy qoiylyp, olardy merziminen buryn zeinetke shyǵarǵan. Bul dert, ana jaǵynan tuqym qýalaidy.
«Meniń oiymsha, Aqnár de osy ishki kúizelisti bastan keshti», – deidi Qytai qazaǵy.
Ol sózin jalǵastyryp:
"Meniń kúieýim Qurmet sol mekemede qatardaǵy qyzmetker edi. Birde ol jumysqa ishimdik ishken kúiinde keldi. Bul bir rettik jaǵdai bolatyn. Biraq Gúlstan onyń alty ailyq jalaqysyn bermei qoidy", – deidi.
Onyń aitýynsha, otbasylyq qiyndyqtarǵa bailanysty Gúlstannyń úiine baryp, keshirim surap, qoi syiǵa tartqan.
«Tizerlep turyp jyladym, – dep eske alady áiel. – Ol bolsa meni aiaqpen teýip, “Shuǵyla, joǵal úiimnen!” dedi. Janymdy jegeni - joqshylyq emes, taptalǵan ar men ashyq qorlyq», - deidi úndeý avtory.
«Jumysshylardyń ólimi kezdeisoq emes»
Qytai qazaǵynyń jazýynsha, mekemede taǵy bir qyzmetker - Jarqyn - da jalaqydan aiyrylyp, kúizelisten kóz jumǵan. Kóp uzamai onyń kúieýi men taǵy eki áriptesi – Damyl men Qalbiiat ta qaitys bolǵan.
«Bul - jai sáikestik emes. Bul – qatygezdik pen jazasyzdyqtyń saldary», – deidi áiel.
Avtordyń sózine qaraǵanda, Qytaidaǵy qazaqtar óz quqyqtaryn qorǵai almaityn, ásirese basshylyqtaǵy adamdarǵa qarsy sóz aitý múmkin bolmaǵan.
«VIP-klientterge qyzmet kórsettik, al Aqnár bárin kórip ósti»
Kýáger Gúlstan Hamit VIP-klientterge arnalǵan mekeme ashyp, burynǵy qyzmetkerlerin sol jerge «jumysqa shaqyrǵanyn» jazdy. Biraq ol jerde adal eńbek emes, «qonaqtardy kóńildendirý», ishimdik ishý, túrli qysym kórsetý oryn alǵan.
"Ol 18-20 jastaǵy qyzdarǵa ishimdik ishkizdi. Aqnár osynyń bárin kózimen kórip ósti. Mundai ortada ósken balanyń jan dúniesi qalai jaralanbasyn?!" – deidi ol.
«Ol otbasyn da tastady»
Hat iesiniń aitýynsha, Gúlstan alkogolge táýeldi bolǵan. Ishimdik iship, kórshisiniń úiine mas kúide kelgen, sol jerde birneshe ret qusqan. Keiin kúieýin tastap, ózinen 15 jas kishi er adammen birge turýdy tańdaǵan.
"Aikyn – sabyrly, meiirimdi adam edi. Al Gúlstan óz qolymen bárin qiratty. Tipti ony 30 jasynda zeinetke ketýge májbúrledi", – delingen hatta.
«Men únsiz qala almaimyn»
Úndeý jasaǵan áiel: «Endi Gúlstan el aldyna shyǵyp, janyma batyratyn kóz jasyn tógip, ózin kinásiz etip kórsetkisi keledi. Biraq men únsiz qala almaimyn», – deidi.
Ol bul málimdemeni kek alý úshin emes, ádilet ornaýy úshin jazǵanyn atap ótken.
«Gúlstan, eger osyny oqyp otyrsań - men seniń isińmen ainalysamyn. Ómir – býmerang», – deidi ol.
Eske salaiyq, buǵan deiin Aqnár isinde esimi atalǵan qyz jurt aldyna shyǵyp, málimdeme jasaǵan bolatyn.
Almatyda 2024 jyly 20 shildede Aqnár Gúlstan kópqabatty turǵyn úidiń jetinshi qabatynan qulap, qaitys bolǵan. Tergeý bul oqiǵany "ózin-ózi óltirý" babymen tirkegen. Alaida jaqyndary Aqnárdiń jetinshi qabattan qulap ketkenine senbeidi. Olardyń sózinshe, marqum qaza tapqanǵa deiin denesinde azaptaý belgileri bolǵan.
Keiinirek marqumnyń anasy Gúlstan Qamit Almaty qalalyq tergeý organdary men prokýratýrasy bul isti jeńil bappen ózine ózi qol jumsaýǵa itermeleý dep baǵalap, shynaiy tergeý júrgizbei otyrǵanyn málimdedi.
Al Almaty qalalyq PD málimetinshe, tergeý basqarmasy byltyr shildede Almaty turǵynynyń ólimine qatysty qylmystyq is qozǵaǵan.
