Almatyda jumbaq jaǵdaıda qaza tapqan 22 jastaǵy Aqnár Hamıttiń ólimine baılanysty qylmystyq is boıynsha tergeý qaıta bastalady, dep habarlaıdy Dalanews.kz.
Bul týraly İshki ister mınıstriniń orynbasary Sanjar Ádilov Sputnik.kz-ke málimdedi.
Onyń aıtýynsha, is materıaldary qaıtadan mınıstrlik qaraýyna berilip, jańa tergeý toby jasaqtalǵan. Endi atalǵan is boıynsha qosymsha tergeý amaldary júrgizilmek.
Eske salaıyq, Almatyda 2024 jyly 20 shildede Aqnár Gúlstan kópqabatty turǵyn úıdiń jetinshi qabatynan qulap, qaıtys bolǵan. Tergeý bul oqıǵany "ózin-ózi óltirý" babymen tirkegen. Alaıda jaqyndary Aqnárdiń jetinshi qabattan qulap ketkenine senbeıdi. Olardyń sózinshe, marqum qaza tapqanǵa deıin denesinde azaptaý belgileri bolǵan.
Keıinirek marqumnyń anasy Gúlstan Qamıt Almaty qalalyq tergeý organdary men prokýratýrasy bul isti jeńil bappen ózine ózi qol jumsaýǵa ıtermeleý dep baǵalap, shynaıy tergeý júrgizbeı otyrǵanyn málimdedi.
Al Almaty qalalyq PD málimetinshe, tergeý basqarmasy byltyr shildede Almaty turǵynynyń ólimine qatysty qylmystyq is qozǵaǵan.
