QMA Mellstroy atty blogerge qatysty tergeýdi bastady, dep habarlaidy Dalanews.kz.
Astana qalasy boiynsha QMA departamenti Belarýs Respýblikasynyń azamaty, "Mellstroy" laqapatymen tanymal bloger Býrim Andrei Aleksandrovichke (15.12.1988 j.t.) halyqaralyq izdeý jariialady. Sot oǵan "qamaýda ustaý" túrindegi bultartpaý sharasyn sanktsiialady.
"Ol áleýmettik jeliler arqyly Qazaqstan paidalanýshylaryn da nysanaǵa alǵan "Mellstroy.game" onlain kazino platformasyn zańsyz ilgeriletý maqsatynda aýqymdy jarnama uiymdastyrdy degen kúdikke ilinip otyr. Onlain kazinony jarnamalaý úshin bloger ártúrli utys oiyndary men chellendjderdi jariialaǵan. Qatysýshylarǵa TikTok, YouTube Shorts jáne basqa da áleýmettik jelilerde Mellstroy.game ataýyn, kazino logotipterin jáne sait siltemelerin kórsetetin videolar túsirý usynylǵan. Buǵan deiin Býrim Resei Federatsiiasynda tikelei efir kezinde adamdy uryp-soqqany úshin jaýapkershilikke tartylǵan. Sonymen qatar, 2025 jylǵy qarashada Belarýs Respýblikasynyń Minsk qalalyq soty blogerdiń barlyq platformadaǵy arnalary men onyń logotipterin ekstremistik materialdar dep tanydy", - dep jazylǵan habarlamada.
QMA azamattarǵa úndeý jasady.
"Eger izdeýdegi adamnyń ornalasqan jeri týraly qandai da bir aqparat bilseńiz, Astana qalasy boiynsha ETTD-ge myna telefondar arqyly habarlasýyńyzdy suraimyz: +7 7172 70 84 78 - kezekshi bólim; +7 7172 70 84 79. Qupiia bolatynyna, syiaqyǵa kepildik beriledi. Qazaqstan Respýblikasynyń zańnamasynda qumar oiyndardy jarnamalaǵany úshin ákimshilik jaýapkershilikpen qatar, zańsyz oiyn biznesine sybailas bolǵany jáne járdemdeskeni úshin qylmystyq jaýapkershilik te kózdelgen", - dedi QMA ókili.
