Qyzylshadan qalai saqtanamyz?
Búginde qyzylsha – búkil álemde balalar arasyndaǵy syrqattanýshylyq pen ólimniń basty sebepshi bolýda. Taiaýda Astana qalasynda osy syrqatqa qatysty arnaiy ótken seminarda bul aýrýdyń qaýiptiligi týraly QR DSM balalar infektsionisi, meditsina ǵylymdarynyń doktory Dinagúl Baesheva jan-jaqty aityp berdi, – dep habarlaidy Dalanews.kz elorda ákimdiginiń resmi saityna silteme jasap.
Qyzylsha – juqpaly jáne tez taralatyn jedel virýstyq infektsiia. Dárigerdiń aitýynsha, 5 jasqa deiingi balalardyń 30%-ynda bul aýrý tez asqynady, ásirese tamaq ishýi buzylady jáne immýniteti kúrt nasharlaidy.
«Qyzylsha. Klinika, diagnostika jáne emdeý. Ótken qatelikter» atty seminarǵa elordanyń ana men bala densaýlyǵyn saqtaý jónindegi meditsinalyq uiymdarynyń basshylyǵy, pediatrlar, jalpy praktika dárigerleri, balalar statsionarlarynyń kabineti men qabyldaý bólimshesiniń dárigerleri qatysty.
– Virýs muryn-jutqynshaq shyryshynyń mikroskopiialyq usaq bólshekterinde, tynys alý joldarynda kezdesedi. Olar jótelgende jáne túshkirgende ainalasyna tez taralady. Qyzylshaǵa qarsy ujymdyq immýnitet vaktsinatsiia arqyly ǵana qalyptasady, – dedi Dinagúl Baesheva.
Is-sharanyń maqsaty – álemdegi qyzylsha aýrýy boiynsha epidemiologiialyq jaǵdaiǵa bailanysty aýrýshańdyq týraly dárigerlerdiń bilimin arttyrý.
