Qyzylorda qalasynyń Qazaq eliniń astanasy bolǵanynyń 100 jyldyq mereitoiy aiasynda «Qyzylorda Saz-M» seriktestiginiń zamanaýi kirpish zaýytynyń ashylý rásimi ótti. Rásimge QR Parlamenti Májilisiniń depýtattary Marhabat Jaiymbetov, Murat Ergeshbaev, Murat Ábenov, QR Ekologiia jáne tabiǵi resýrstar ministri Erlan Nysanbaev jáne ziialy qaýym ókilderi, óńir kásipkerleri arnaiy qatysty,- dep habarlaidy Dalanews.kz
Aimaq basshysy jinalǵan qaýymdy zamanaýi kirpish zaýytynyń ashylýymen quttyqtap, óńirdiń ónerkásip salasyndaǵy jumystarǵa toqtaldy.
«Biz aimaǵymyzdyń ekonomikasyn ártaraptandyrý arqyly joǵary ónimdi, eksportqa baǵdarlanǵan shikizattyq emes óńdeý ónerkásibin qurýǵa baǵyttalǵan jumystardy kezeń-kezeńimen atqarýdamyz. Bul baǵytta aldaǵy besjyldyqta quny 2 trln. teńgeni quraityn 89 investitsiialyq jobany júzege asyrý, 11 myńnan astam turaqty jumys ornyn ashý kózdelýde. Biyl 27 jobanyń iske qosylýy josparlanǵan. Onyń ishinde túrik investory «Aksa Enerdji» kompaniiasynyń jańa jylý-elektr ortalyǵy, qazir ashylatyn zamanaýi kirpish zaýyty, qiyrshyq tas, aina óndiristeri bar. Óndiristi damytý, jańa jumys oryndaryn qurý maqsatynda quny 553 mlrd. 600 mln. teńgeni quraityn 14 jobanyń qurylysy bastalýda.
Prezidentimiz Qasym-Jomart Kemeluly: «Jergilikti ónim óndirýshilerdiń qurylys materialdarynyń áleýetin barynsha paidalaný mańyzdy. Memleket otandyq ónim óndirýshilerdi qoldaidy», – degen bolatyn.
Ótken jyldyń qarasha aiynda irgesi qalanǵan kirpish zaýytynyń qurylys jumystary qysqa merzimde aiaqtalyp, búgin alǵashqy ónimin shyǵarýda. Barshańyzdy oblysymyz úshin indýstriialyq, áleýmettik, ekologiialyq turǵyda tiimdi joba – zamanaýi kirpish zaýytynyń ashylýymen shyn júrekten quttyqtaimyn! Elimizdegi eń iri kirpish zaýyttarynyń biri oblysymyzdyń áleýmettik-ekonomikalyq damýyna, qurylys nysandarynyń sapasyn arttyrýǵa zor úles qosady dep senemiz»,– dedi Nurlybek Mashbekuly.
Saltanatty sharada QR Ekologiia jáne tabiǵi resýrstar ministri Erlan Nuralyuly, Parlament Májilisiniń depýtattary Marhabat Jaiymbetuly, Murat Abdýlamituly quttyqtaý sóz sóiledi. Zaýyt qurylysyna atsalysqan azamattar oblys ákimniń Alǵys hatymen marapattaldy.
Aita ketý kerek, qarasha aiynda qurylysy bastalǵan «Qyzylorda Saz-M» kirpish zaýyty qysqa merzimde iske qosylyp, alǵashqy ónimin shyǵardy. Jobaǵa 5 mlrd. teńge investitsiia tartylyp, 7 gektar jer telimi bólindi.
Zaýyttyń basty ereksheligi – óndiris protsesi tolyq avtomattandyrylǵan. Ekologiialyq jaǵynan da tiimdi, iaǵni basqa kirpish zaýyttaryndaǵydai kómirmen kúidirmeidi. Jańa tehnologiialar óndiristiń tiimdiligin arttyryp, ónim sapasyn joǵary deńgeide saqtaýǵa múmkindik beredi. Jylyna 90 million kirpish óndirýge eseptelgen kásiporyn tolyq iske qosylǵanda 70 adamdy turaqty jumyspen qamtidy.
