قىزىلوردا قالاسىنىڭ قازاق ەلىنىڭ استاناسى بولعانىنىڭ 100 جىلدىق مەرەيتويى اياسىندا «قىزىلوردا ساز-م» سەرىكتەستىگىنىڭ زاماناۋي كىرپىش زاۋىتىنىڭ اشىلۋ ءراسىمى ءوتتى. راسىمگە ق ر پارلامەنتى ءماجىلىسىنىڭ دەپۋتاتتارى مارحابات جايىمبەتوۆ، مۇرات ەرگەشبايەۆ، مۇرات ابەنوۆ، ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ جانە زيالى قاۋىم وكىلدەرى، ءوڭىر كاسىپكەرلەرى ارنايى قاتىستى،- دەپ حابارلايدى Dalanews.kz
ايماق باسشىسى جينالعان قاۋىمدى زاماناۋي كىرپىش زاۋىتىنىڭ اشىلۋىمەن قۇتتىقتاپ، ءوڭىردىڭ ونەركاسىپ سالاسىنداعى جۇمىستارعا توقتالدى.
«ءبىز ايماعىمىزدىڭ ەكونوميكاسىن ءارتاراپتاندىرۋ ارقىلى جوعارى ءونىمدى، ەكسپورتقا باعدارلانعان شيكىزاتتىق ەمەس وڭدەۋ ونەركاسىبىن قۇرۋعا باعىتتالعان جۇمىستاردى كەزەڭ-كەزەڭىمەن اتقارۋدامىز. بۇل باعىتتا الداعى بەسجىلدىقتا قۇنى 2 ترلن. تەڭگەنى قۇرايتىن 89 ينۆەستيسيالىق جوبانى جۇزەگە اسىرۋ، 11 مىڭنان استام تۇراقتى جۇمىس ورنىن اشۋ كوزدەلۋدە. بيىل 27 جوبانىڭ ىسكە قوسىلۋى جوسپارلانعان. ونىڭ ىشىندە تۇرىك ينۆەستورى «اكسا ەنەردجي» كومپانياسىنىڭ جاڭا جىلۋ-ەلەكتر ورتالىعى، ءقازىر اشىلاتىن زاماناۋي كىرپىش زاۋىتى، قيىرشىق تاس، اينا وندىرىستەرى بار. ءوندىرىستى دامىتۋ، جاڭا جۇمىس ورىندارىن قۇرۋ ماقساتىندا قۇنى 553 ملرد. 600 ملن. تەڭگەنى قۇرايتىن 14 جوبانىڭ قۇرىلىسى باستالۋدا.
پرەزيدەنتىمىز قاسىم-جومارت كەمەل ۇلى: «جەرگىلىكتى ءونىم وندىرۋشىلەردىڭ قۇرىلىس ماتەريالدارىنىڭ الەۋەتىن بارىنشا پايدالانۋ ماڭىزدى. مەملەكەت وتاندىق ءونىم وندىرۋشىلەردى قولدايدى»، – دەگەن بولاتىن.
وتكەن جىلدىڭ قاراشا ايىندا ىرگەسى قالانعان كىرپىش زاۋىتىنىڭ قۇرىلىس جۇمىستارى قىسقا مەرزىمدە اياقتالىپ، بۇگىن العاشقى ءونىمىن شىعارۋدا. بارشاڭىزدى وبلىسىمىز ءۇشىن يندۋستريالىق، الەۋمەتتىك، ەكولوگيالىق تۇرعىدا ءتيىمدى جوبا – زاماناۋي كىرپىش زاۋىتىنىڭ اشىلۋىمەن شىن جۇرەكتەن قۇتتىقتايمىن! ەلىمىزدەگى ەڭ ءىرى كىرپىش زاۋىتتارىنىڭ ءبىرى وبلىسىمىزدىڭ الەۋمەتتىك-ەكونوميكالىق دامۋىنا، قۇرىلىس نىساندارىنىڭ ساپاسىن ارتتىرۋعا زور ۇلەس قوسادى دەپ سەنەمىز»،– دەدى نۇرلىبەك ماشبەك ۇلى.
سالتاناتتى شارادا ق ر ەكولوگيا جانە تابيعي رەسۋرستار ءمينيسترى ەرلان نۇرالى ۇلى، پارلامەنت ءماجىلىسىنىڭ دەپۋتاتتارى مارحابات جايىمبەت ۇلى، مۇرات ابدۋلاميت ۇلى قۇتتىقتاۋ ءسوز سويلەدى. زاۋىت قۇرىلىسىنا اتسالىسقان ازاماتتار وبلىس اكىمنىڭ العىس حاتىمەن ماراپاتتالدى.
ايتا كەتۋ كەرەك، قاراشا ايىندا قۇرىلىسى باستالعان «قىزىلوردا ساز-م» كىرپىش زاۋىتى قىسقا مەرزىمدە ىسكە قوسىلىپ، العاشقى ءونىمىن شىعاردى. جوباعا 5 ملرد. تەڭگە ينۆەستيسيا تارتىلىپ، 7 گەكتار جەر تەلىمى ءبولىندى.
زاۋىتتىڭ باستى ەرەكشەلىگى – ءوندىرىس پروسەسى تولىق اۆتوماتتاندىرىلعان. ەكولوگيالىق جاعىنان دا ءتيىمدى، ياعني باسقا كىرپىش زاۋىتتارىنداعىداي كومىرمەن كۇيدىرمەيدى. جاڭا تەحنولوگيالار ءوندىرىستىڭ تيىمدىلىگىن ارتتىرىپ، ءونىم ساپاسىن جوعارى دەڭگەيدە ساقتاۋعا مۇمكىندىك بەرەدى. جىلىنا 90 ميلليون كىرپىش وندىرۋگە ەسەپتەلگەن كاسىپورىن تولىق ىسكە قوسىلعاندا 70 ادامدى تۇراقتى جۇمىسپەن قامتيدى.
