Qyzylorda oblysynda kóktemgi dala jumystaryn qarjylandyrýǵa 40 mlrd teńge jumsalady, dep habarlaidy Dalanews.kz
Aimaqta «aq egis» áldaqashan bastalyp ketti. Osy kúnge deiin josparlanǵan jońyshqa egistiginiń 42%-y, maqsarynyń 38%-y, bidaidyń 77%-y, arpanyń 25%-y, jáne qant qumaiy egistiginiń 9%-y egildi. Al sáýir aiynyń úshinshi onkúndiginde kúrish egý jumysy bastalady.
– Diqandar sońǵy 10 jyldan beri 55 myń gektar kúrish atyzyna lazerlik tegisteý jumystaryn júrgizdi. Osylaisha sýdy únemdeý arqyly ónimdilik kórsetkishin 30%-ǵa deiin kóterýge bolatynyn dáleldedi. Biyl ony 60 myń gektarǵa jetkizý josparlanyp otyr, - dedi oblystyq aýyl sharýashylyǵy jáne jer qatynastary basqarmasynyń basshysy Talǵat Dúisebaev.
Basqarma basshysynyń aitýynsha, erteń Ózbekstanda ótetin memleketaralyq sý sharýashylyǵyn úilestirý komissiiasynyń kezekti otyrysynda vegetatsiia kezeńine sý limiti belgilenedi. Egis kólemi soǵan qarai naqtylanady.
