Memleket basshysy Qasym-Jomart Kemeluly Toqaev «Ádiletti memleket. Birtutas ult. Berekeli qoǵam» atty Qazaqstan halqyna Joldaýynda 2025 jyldy – «Jumysshy mamandyqtar jyly» dep jariialady. Osyǵan orai, elimizdiń barlyq óńirinde jumysshy mamandyqtardy nasihattaý, eńbek adamyn qoldaý jáne jumysshy kásibiniń mártebesin arttyrý baǵytynda aýqymdy sharalar qolǵa alyndy. Syr óńirinde de «Jumysshy mamandyqtar jylyn» mazmundy ári júieli ótkizý maqsatynda oblys ákimi Nurlybek Nálibaevtyń bastamasymen arnaiy is-sharalar jospary bekitilip, túrli jobalar júzege asyrylýda. Búgin Qyzylordada «Jumysshy jas mamandar sleti» ótti,- dep habarlaidy Dalanews.kz
Aýqymdy jiynǵa elimizdiń birneshe óńirinen, sondai-aq barlyq aýdandar men qalalardan 100-den astam jumysshy jas maman arnaiy qatysty.
Plenarlyq otyrysta oblys ákiminiń orynbasary Shahmardan Baimanov sóz sóilep, óńirde «Jumysshy mamandyqtar jylynda» atqarylǵan jumystarǵa toqtaldy.
«Jastar – qoǵamnyń qozǵaýshy kúshi» degen qaǵida bar. Memleket basshysynyń bul bastamasyn ásirese, jastar qaýymy erekshe yqylaspen qarsy aldy. Respýblika kóleminde túrli formattaǵy sharalar uiymdastyrylyp, jastardy qoldaýǵa baǵyttalǵan igi bastamalar qolǵa alynýda. Qazirgi tańda, óńirimizde 28 kolledj bar. Onyń 19-da 45 mamandyq, 49 biliktilik boiynsha jumysshy kadrlar daiarlanyp, jalpy 20341 stýdenttiń 4890-y jumysshy mamandyǵy boiynsha bilim alýda. Osy jyly 2 kolledj bazasynda tigin tsehy ashyldy.
Halyqaralyq bailanysty damytýda kolledjder Túrkiia, Qyrǵyzstan, Germaniia, Resei, Latviia, Ózbekstan, Polsha memleketteriniń 7 halyqaralyq, 98 respýblikalyq jáne 56 aimaqtyq oqý oryndarymen 161 yntymaqtastyq memorandýmyna qol qoidy. «Mansap kompasy» platformasy arqyly 3000 oqýshyǵa kásibi baǵdar berildi, 20 myń oqýshyǵa kásiporyn bazalaryna ekskýrsiialar uiymdastyrylyp, 40 mektep bazasynda beiindi synyptar ashyldy.
Óńirimizde aýqymdy investitsiialyq jobalar júzege asyrylyp, óndiris oryndary ashylyp, jańa jumys oryndary kóptep ashylýda»,- dedi Shahmardan Asqaruly.
Slet jumysy barysynda jastar «Qyzylorda oblysynyń jumysshy jas mamandarynyń assotsiatsiiasyn» qurý bastamasyn kóterdi. Bul bastama ózge óńirlerden kelgen qatysýshylardy da qanattandyryp, zor qoldaýǵa ie boldy.
Jiyn sońynda elimizdiń jáne aimaǵymyzdyń áleýmettik-ekonomikalyq damýyna eleýli úles qosqan jastar aimaq basshysynyń Alǵys hatymen marapattaldy.
Sletke qatysýshylar óńirdegi óndiris oryndaryn aralap, oqý oryndarynyń zamanaýi materialdyq-tehnikalyq bazasymen tanysty.
Jastar «Orda Glass Ltd» JShS shyny zaýytyna, Besaryq aýylyndaǵy óndiristik nysandarǵa, «Qaysar Arena» stadiony men Oqýshylar saraiyna, sondai-aq Tennis ortalyǵy, oblystyq tarihi-ólketaný mýzeii, mýzykalyq kolledj, «Anaǵa taǵzym», «Óner» jáne «Otbasy ortalyqtaryna" bardy.
Sonymen qatar, S. Yqsanov atyndaǵy qurylys jáne biznes, I. Ábdikárimov atyndaǵy Qyzylorda politehnikalyq kolledjderiniń oqý-óndiristik múmkindikteri men jabdyqtalý deńgeiin kórip, ondaǵy bilim berý úrdisimen tanysty.
Aita ketý kerek, 25 shilde kúni slet qatysýshylary Baiqońyr qalasyna arnaiy saparmen baryp, álemge áigili ǵarysh ailaǵy men tarihi mýzeilerdi aralaidy. Bul issapar jastarǵa ǵylymi-tehnikalyq jetistikterdi óz kózimen kórýge, sondai-aq, Baiqońyrdyń el damýyndaǵy tarihi mańyzy jaily mol maǵlumat alýǵa múmkindik beredi.
