QR UEM Tabiǵi monopoliialardy retteý komitetiniń Qyzylorda oblysy boiynsha departamenti syrtqy aýanyń naqty temperatýrasyn eskere otyryp, jylýmen jabdyqtaýshy mekemelerdiń qyzmet qunyn qaita eseptedi,- dep habarlaidy Dalanews.kz.
Tekserý barysynda jetkiliksiz jylý berý faktileri anyqtalǵan.
— Osyǵan bailanysty Qyzylorda jylý elektr ortalyǵy, osy kásiporynnyń «Qazaly-Temirjol jylý» filialy, «Temirjol sý-Qyzylorda» seriktestigi tutynýshylardyń qarajatyn qaitardy. Bul rette turǵyndardyń shoty tólendi. Sondyqtan atalǵan uiymdar tólem somasyn azaitýǵa mindetti, — delingen habarlamada.
Qosymsha qun salyǵymen qosqanda 24 mln teńgege jýyq qarjy qaitarylady.
— Osy rette aita ketýge tiispiz, esepteý quraly joq tutynýshylardyń tólemi qaita esepteldi. Qarajatty qaitarý 2025 jylǵy qazan aiyndaǵy túbirtek tólemin azaitý arqyly júzege asyrylady, — dedi departamentte.
