قر ۇەم تابيعي مونوپولييالاردى رەتتەۋ كوميتەتٸنٸڭ قىزىلوردا وبلىسى بويىنشا دەپارتامەنتٸ سىرتقى اۋانىڭ ناقتى تەمپەراتۋراسىن ەسكەرە وتىرىپ, جىلۋمەن جابدىقتاۋشى مەكەمەلەردٸڭ قىزمەت قۇنىن قايتا ەسەپتەدٸ,- دەپ حابارلايدى Dalanews.kz.
تەكسەرۋ بارىسىندا جەتكٸلٸكسٸز جىلۋ بەرۋ فاكتٸلەرٸ انىقتالعان.
— وسىعان بايلانىستى قىزىلوردا جىلۋ ەلەكتر ورتالىعى, وسى كەسٸپورىننىڭ «قازالى-تەمٸرجول جىلۋ» فيليالى, «تەمٸرجول سۋ-قىزىلوردا» سەرٸكتەستٸگٸ تۇتىنۋشىلاردىڭ قاراجاتىن قايتاردى. بۇل رەتتە تۇرعىنداردىڭ شوتى تٶلەندٸ. سوندىقتان اتالعان ۇيىمدار تٶلەم سوماسىن ازايتۋعا مٸندەتتٸ, — دەلٸنگەن حابارلامادا.
قوسىمشا قۇن سالىعىمەن قوسقاندا 24 ملن تەڭگەگە جۋىق قارجى قايتارىلادى.
— وسى رەتتە ايتا كەتۋگە تيٸسپٸز, ەسەپتەۋ قۇرالى جوق تۇتىنۋشىلاردىڭ تٶلەمٸ قايتا ەسەپتەلدٸ. قاراجاتتى قايتارۋ 2025 جىلعى قازان ايىنداعى تٷبٸرتەك تٶلەمٸن ازايتۋ ارقىلى جٷزەگە اسىرىلادى, — دەدٸ دەپارتامەنتتە.
