Qyzylordada kólik jyldamdyǵyn baqylaıtyn «kózge kórinbeıtin» kameralar paıda boldy,- dep habarlaıdy Dalanews.kz
Oblystyq polısıa departamentiniń aıtýynsha, arnaıy belgileri joq qyzmettik avtokólikterge jyldamdyqty avtomatty túrde anyqtaıtyn «Ekin X-Spotter» atty qurylǵylar ornatyldy.
— Oblys ortalyǵynda jol kólik oqıǵalarynyń aldyn alý jáne jol júrisine talapty kúsheıtý maqsatynda quqyq buzýdy tirkeıtin mobıldi avtomattandyrylǵan keshenderdi paıdalana otyryp, jasyryn patrúldeý tájirıbesi qoldanysqa engizildi. Mundaı keshenderdi qoldaný halyqaralyq tájirıbege saı keledi. Jasyryn patrúldeý birneshe memlekette keńinen qoldanylyp, jol ústindegi quqyq buzýdyń aldyn alý baǵytynda tıimdi qural retinde dáleldendi, — dedi departamenttiń jergilikti polısıa qyzmeti basqarmasy bastyǵynyń orynbasary, polısıa podpolkovnıgi Muratbek Manatov.
Tártip saqshylary osy oraıda kólik júrgizýshilerinen jyldamdyqty asyrmaýdy, tártipke baǵynýdy suraıdy.
