Búgin Qyzylorda qalasynda oblys ákimi Nurlybek Nálibaevtyń qatysýymen Qazaqstan halqy Assambleiasynyń 30 jyldyq mereitoiy aiasynda salynǵan «Dostyq úiiniń» jańa ǵimaratynyń saltanatty ashylý rásimi ótti, dep habarlaidy Dalanews.kz.
Rásimge Qazaqstan halqy Assambleiasy tóraǵasynyń orynbasary, Qazaqstan Respýblikasy Prezidenti Ákimshiligi Qazaqstan halqy Assambleiasy hatshylyǵynyń meńgerýshisi Marat Ázilhanov, Parlament Senaty men Májilisiniń depýtattary Rýslan Rústemov, Naýryzbai Baiqadamov, Murat Ábenov, Marhabat Jaiymbetov, Murat Ergeshbaev, Aian Zeinýllin, «QazAtomÓnerkásip» ulttyq atom kompaniiasynyń basqarma tóraǵasy Meiirjan Iýsýpov, «Samuryq-Qazyna Trast» korporativtik qorynyń bas direktory Alfiia Adieva, quqyq qorǵaý organdary men jaýapty salalardyń basshylary, ziialy qaýym ókilderi qatysty.
Aimaq basshysy jańa ǵimarat el igiligine qyzmet etetinin aityp, quttyqtaý sózin jetkizdi.
«Birlik – halqymyzdyń tutastyǵy men yrys-yntymaǵynyń, úilesimdi qarym-qatynasynyń, tatýlyǵynyń kórinisi. El bolýdyń birden-bir alǵysharty.
Óńirimizde 30-dan astam etnos ókilderi tatý-tátti ómir súredi. Assambleia janynda 11 etnomádeni birlestik bir múdde, bir maqsat jolynda uiysyp, eldiń birligin saqtaý baǵytynda jumys jasaýda.
Bereke-birligimizdiń uiytqysyna ainalyp, elimizdegi etnosaralyq dostyq pen birliktiń úlgisin álemge tanytqan Qazaqstan halqy Assambleiasynyń qurylǵanyna ótken jyly 30 jyl toldy. Búginde Assambleia halqymyzdy birlikke, dostyqqa úndeitin jalpyulttyq kelisimniń negizine ainaldy.
Prezidentimizdiń tapsyrmasyna sáikes, ótken jyly 1 mamyr – Qazaqstan halqynyń birligi kúni Ózderińizben birge osy jerde jańa ǵimarattyń irgetasyn qalaǵan bolatynbyz.
Mine búgin, tarihi sátte qaita qaýyshyp, «QazAtomÓnerkásip» ulttyq atom kompaniiasynyń demeýshiligimen 3 mlrd. 800 mln. teńgege salynǵan «Dostyq úiiniń» zamanaýi ǵimaratyn el igiligine tabystaýdamyz.
Jańa nysannyń boi kóterýine demeýshilik jasaǵany úshin «Samuryq-Qazyna» aktsionerlik qoǵamynyń basqarma tóraǵasy Jaqypov Nurlan Qarshyǵaulyna, ulttyq atom kompaniiasynyń basqarma tóraǵasy Iýsýpov Meiirjan Baqytulyna barsha Syr jurtshylyǵy, Ózimniń atymnan shynaiy alǵysymdy, zor rizashylyǵymdy bildiremin!
Jalpyulttyq turaqtylyq pen qoǵamdyq kelisimniń qainar bulaǵy – Qazaqstan halqy Assambleiasynyń 30 jyldyǵy aiasynda boi kótergen, dostyq pen kelisimniń nyshanyna ainalatyn jańa ǵimarat barshańyzǵa qutty bolsyn!», – dedi N.Nálibaev.
Saltanatty rásimde birlik pen kelisimniń nyǵaiýyna eleýli úles qosqan Assambleia músheleri men jańa ǵimaratty sapaly etip salǵan merdiger mekeme ókilderi oblystyń eń joǵarǵy nagradasy – Qyzylorda oblysynyń Qurmet Gramotasymen, oblys ákiminiń Alǵys hatymen marapattaldy. Marat Ázilhanov, Murat Ábenov jáne Meiirjan Iýsýpov quttyqtaý sóz sóilep, izgi tilekterin jetkizdi.
Aita keteiik, bul – birlik men yntymaqty nyǵaitýǵa atsalysqan etnomádeni birlestikter men Assambleia belsendileri úshin barlyq qajettiliktermen qamtamasyz etilgen zamanýi ǵimarat. Munda etnomádeni birlestikterdiń, oblystyq, qalalyq ardagerler keńesiniń, Azamattyq Alians ókilderiniń de tolyq jabdyqtalǵan jumys kabinetteri bar. Qala sáýletine sán qosqan jańa ǵimarattaǵy 200 oryndyq kontserttik, 50 oryndyq akt zaldarynda mádeni-rýhani sharalar uiymdastyrýǵa bolady. Shyǵarmashyl jastarǵa arnalǵan dombyra, án, bi úiirmelerine, mediatsiia ortalyǵy, mýzei, Assambleia janyndaǵy ǵylymi sarapshylyq toptarǵa da jaǵdai jasalǵan.
«Dostyq úii» azamattyq qoǵam institýttarynyń basyn qosatyn, jańa bastamalardy ilgeriletetin ortalyqqa ainalmaq.
