Qyzylorda oblysynda DDU-nyń Aral teńizi máseleleri jónindegi óńirlik keńsesi ashylady. Mundai sheshim Dúniejúzilik densaýlyq saqtaý uiymy, BUU ókilderiniń, sondai-aq Qazaqstan, Ózbekstan basshylarynyń qatysýymen ótken keńestiń qorytyndysy boiynsha qabyldandy, dep habarlaidy Dalanews.kz.
Qatysýshylar ekologiialyq ózgeristerdiń aýqymyn jáne olardyń adam densaýlyǵyna, klimatqa jáne bioártúrlilikke áserin talqylady.
Kezdesý qorytyndysy boiynsha mynadai birqatar mańyzdy sheshimder qabyldandy:
-Qyzylordada DDU-nyń Aral teńizi máseleleri jónindegi óńirlik ofisin ashý;
-memleketaralyq deńgeidegi is-qimyldardyń jol kartasyn daiyndaý jáne bekitý;
-2026 jyly DDU sáýir sammitine Aral boiynsha Qarar shyǵarý.
Aral teńizi problemasy HH ǵasyrdaǵy eń iri ekologiialyq daǵdarystardyń biri retinde tanyldy, onyń saldaryn Aral mańyndaǵy turǵyndar sezinýde. Ondaǵan jyldar boiy óńir shóleittenýge, topyraqtyń degradatsiiasyna, ýly shańnyń taralýyna jáne halyqtyń densaýlyǵyna tikelei áser etetin basqa da qiyndyqtarǵa tap boldy.
Sonymen qatar, sońǵy jyldary jaǵdaidy turaqtandyrý boiynsha mańyzdy qadamdar jasaldy. Birlesken kúsh-jigerdiń arqasynda teńizdiń soltústik bóliginiń kebýin toqtatýǵa múmkindik týdy, keýip qalǵan aýmaqtardy aýqymdy kógaldandyrý júrgizilýde, sondai-aq apattyń teris áserin azaitý jónindegi jobalar iske asyrylýda.
Memlekettik organdar men halyqaralyq áriptesterdiń úilesimdi jumysynyń arqasynda búginde oń dinamika baiqalady. Memleket basshysynyń qoldaýy jáne óńir ákiminiń jeke qatysýy ondaǵan jyldar boiy jinaqtalǵan problemalardyń sheshimin tabatynyna senimdilikti nyǵaitady.
