QR Ekologiia jáne tabiǵi resýrstar ministri Erlan Nysanbaev, QR Parlamenti Májilisiniń depýtataty Qaraqat Abden,oblys ákiminiń orynbasary, Qazaqstan Respýblikasy Prezidentiniń «Baiqońyr» keshenindegi arnaýly ókili Qairat Nurtai Qazaly aýdanyna jumys saparymen baryp, ondaǵy turaqty orman tuqymbaqtarymen jáne Aral teńiziniń qurǵaǵan tabanynda atqarylǵan jumystarmen tanysty,- dep habarlaidy Dalanews.kz
Memleket basshysynyń Joldaýynda el aýmaǵyna 2 milliard túp aǵash otyrǵyzý tapsyrylǵany belgili. Osy tapsyrmaǵa sáikes, oblysta 2021-2027 jyldarǵa arnalǵan orman ósirý kólemin ulǵaitýdyń keshendi jospary bekitildi.
Óńirde 903 myń gektar alqaptyń topyraǵynzertteý jáne jobalaý jumystary júrgizildi. 2021-2024 jyldary Aral teńiziniń qurǵaǵan tabanyndaǵy 659,1 myń gektarǵa ekpeler egildi.
Biyl 440,9 myń gektar aýmaqqa sekseýil kóshetteri men galofit tuqymdaryn egý josparlanǵan. Egiletin kóshet jetkilikti bolý úshinýaqytsha tuqymbaqtar uiymdastyrylǵan.
Sonymen qatar, Qazaly aýdanynda Dúniejúzilik bank qarjysy esebinen 33,5 gektar aýmaqqa tuqymbaq salyndy. Jobanyń quny 440,7 mln teńge, tehnikalar satyp alýǵa qosymsha 179 mln teńge bólindi.
Tuqymbaqqa sekseýil kósheti, japyraqty aǵash, jemis tuqymy egildi, jemis baqshasy jáne úieńki talynyń analyq bólimi quryldy. Sondai-aq, qorǵanysh jasyl jolaq, mineraldanǵan jolaq jáne komposttaý jumystary atqaryldy.
Tuqymbaq qurylysy aiaqtalyp, oblys balansyna berildi, qazir onda 47 adam eńbek etedi.
