ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ، ق ر پارلامەنتى ءماجىلىسىنىڭ دەپۋتاتاتى قاراقات ابدەن،وبلىس اكىمىنىڭ ورىنباسارى، قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى قايرات نۇرتاي قازالى اۋدانىنا جۇمىس ساپارىمەن بارىپ، ونداعى تۇراقتى ورمان تۇقىمباقتارىمەن جانە ارال تەڭىزىنىڭ قۇرعاعان تابانىندا اتقارىلعان جۇمىستارمەن تانىستى،- دەپ حابارلايدى Dalanews.kz
مەملەكەت باسشىسىنىڭ جولداۋىندا ەل اۋماعىنا 2 ميلليارد ءتۇپ اعاش وتىرعىزۋ تاپسىرىلعانى بەلگىلى. وسى تاپسىرماعا سايكەس، وبلىستا 2021-2027 جىلدارعا ارنالعان ورمان ءوسىرۋ كولەمىن ۇلعايتۋدىڭ كەشەندى جوسپارى بەكىتىلدى.
وڭىردە 903 مىڭ گەكتار القاپتىڭ توپىراعىنزەرتتەۋ جانە جوبالاۋ جۇمىستارى جۇرگىزىلدى. 2021-2024 جىلدارى ارال تەڭىزىنىڭ قۇرعاعان تابانىنداعى 659،1 مىڭ گەكتارعا ەكپەلەر ەگىلدى.
بيىل 440،9 مىڭ گەكتار اۋماققا سەكسەۋىل كوشەتتەرى مەن گالوفيت تۇقىمدارىن ەگۋ جوسپارلانعان. ەگىلەتىن كوشەت جەتكىلىكتى بولۋ ءۇشىنۋاقىتشا تۇقىمباقتار ۇيىمداستىرىلعان.
سونىمەن قاتار، قازالى اۋدانىندا دۇنيەجۇزىلىك بانك قارجىسى ەسەبىنەن 33،5 گەكتار اۋماققا تۇقىمباق سالىندى. جوبانىڭ قۇنى 440،7 ملن تەڭگە، تەحنيكالار ساتىپ الۋعا قوسىمشا 179 ملن تەڭگە ءبولىندى.
تۇقىمباققا سەكسەۋىل كوشەتى، جاپىراقتى اعاش، جەمىس تۇقىمى ەگىلدى، جەمىس باقشاسى جانە ۇيەڭكى تالىنىڭ انالىق ءبولىمى قۇرىلدى. سونداي-اق، قورعانىش جاسىل جولاق، مينەرالدانعان جولاق جانە كومپوستتاۋ جۇمىستارى اتقارىلدى.
تۇقىمباق قۇرىلىسى اياقتالىپ، وبلىس بالانسىنا بەرىلدى، ءقازىر وندا 47 ادام ەڭبەك ەتەدى.
