1 maýsym — Balalardy qorǵaý kúninde Qyzylordada qaita jańǵyrtýdan ótken qalalyq mádeni-demalys parki ashyldy. Bul týraly qala ákimdigi málimdedi, – dep habarlaidy Dalanews.kz
Attraktsion parki 1953 jyly ashylǵan. 1996 jyly jekeshelendirilip, 2008 jyly memleket menshigine qaitaryldy.
Biyl merdiger «Bi Global» kompaniiasy jobalyq-smetalyq qujatqa sáikes ony tolyq jóndep, park jańarǵan keiipke endi. Bul jumysqa 6,3 mlrd teńge bólindi.
— Kireberis qaqpa aldyndaǵy «Syr batyrlary» eskertkishi Taǵzym alańyna kóshirildi. Ol jerge arka ornatylyp, jańa úlgidegi kespetas tóseldi. Qorshaý tolyq jańartyldy. Betondy skeitpark, 20-ǵa jýyq attraktsion, kafe ǵimaratyn ornalastyrýǵa arnalǵan alań jáne oiyn alańdary salyndy. Jańa sýburqaqtar parktiń barlyq aýmaǵyn qamtidy. Ashyq aspan astynda kúndelikti kelýshilerge mádeni qyzmet kórsetýge, kontserttik baǵdarlamalar qoiýǵa arnap 100 adamǵa laiyqtalǵan amfiteatr salyndy, - delingen ákimdik habarlamasynda.
