Ótken jylý berý maýsymynda Qyzylorda oblysynyń turǵyn úi sektorlarynda 120 órt oqiǵasy boldy. Bul aldyńǵy jylǵydan 24,1%-ǵa kóp. Bul jaily Qyzylorda oblysy TJD Memlekettik órt baqylaý basqarmasynyń bastyǵy azamattyq qorǵaý polkovnigi Ashat Orazbekov málimdedi,- dep habarlaidy Dalanews.kz
Tilsiz jaý sektor ielerin 15,5 mln teńgege jýyq shyǵynǵa batyrǵan.
— 4 adam qaza taýyp, 3 adam jaraqat aldy. Tabiǵi gazdan 3 adam ýlanyp qaitys bolsa, 5 adam jaraqat aldy. Kómirqyshqyl gazynan ýlaný jaǵdailary tirkelgen joq. Mundai keleńsiz oqiǵalar turǵyndardyń qaýipsizdik sharalaryna salǵyrt qaraýynan, iaǵni turmystyq peshtiń tehnikalyq jaǵdaiyn qadaǵalamaýynan, balalardy qaraýsyz qaldyrýynan kóbeiip tur, — dedi Ashat Orazbekov.
Qutqarýshylar jańa jylý maýsymy aldynda profilaktikalyq is-sharalar qarqynyn kúsheitti.
— Odan bólek, oblystyq jumyspen qamtýdy úilestirý jáne áleýmettik baǵdarlamar basqarmasy turmysy tómen, kópbalaly, jalǵysbasty ana jáne múgedek jandar turatyn 6 825 otbasynyń tizimin usyndy. Osy otbasylardyń qaýipsizdigin qamtamasyz etý maqsatynda 2024 jyly jergilikti biýdjet qarajaty esebinen tabiǵi gazdy anyqtaityn 484 datchik satyp alyndy. Aldaǵy jylý berý maýsymynda sol qurylǵylardy ornatamyz, — dedi maman.
