وتكەن جىلۋ بەرۋ ماۋسىمىندا قىزىلوردا وبلىسىنىڭ تۇرعىن ءۇي سەكتورلارىندا 120 ءورت وقيعاسى بولدى. بۇل الدىڭعى جىلعىدان 24،1%-عا كوپ. بۇل جايلى قىزىلوردا وبلىسى تجد مەملەكەتتىك ءورت باقىلاۋ باسقارماسىنىڭ باستىعى ازاماتتىق قورعاۋ پولكوۆنيگى اسحات ورازبەكوۆ مالىمدەدى،- دەپ حابارلايدى Dalanews.kz
ءتىلسىز جاۋ سەكتور يەلەرىن 15،5 ملن تەڭگەگە جۋىق شىعىنعا باتىرعان.
— 4 ادام قازا تاۋىپ، 3 ادام جاراقات الدى. تابيعي گازدان 3 ادام ۋلانىپ قايتىس بولسا، 5 ادام جاراقات الدى. كومىرقىشقىل گازىنان ۋلانۋ جاعدايلارى تىركەلگەن جوق. مۇنداي كەلەڭسىز وقيعالار تۇرعىنداردىڭ قاۋىپسىزدىك شارالارىنا سالعىرت قاراۋىنان، ياعني تۇرمىستىق پەشتىڭ تەحنيكالىق جاعدايىن قاداعالاماۋىنان، بالالاردى قاراۋسىز قالدىرۋىنان كوبەيىپ تۇر، — دەدى اسحات ورازبەكوۆ.
قۇتقارۋشىلار جاڭا جىلۋ ماۋسىمى الدىندا پروفيلاكتيكالىق ءىس-شارالار قارقىنىن كۇشەيتتى.
— ودان بولەك، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامار باسقارماسى تۇرمىسى تومەن، كوپبالالى، جالعىسباستى انا جانە مۇگەدەك جاندار تۇراتىن 6 825 وتباسىنىڭ ءتىزىمىن ۇسىندى. وسى وتباسىلاردىڭ قاۋىپسىزدىگىن قامتاماسىز ەتۋ ماقساتىندا 2024 جىلى جەرگىلىكتى بيۋدجەت قاراجاتى ەسەبىنەن تابيعي گازدى انىقتايتىن 484 داچيك ساتىپ الىندى. الداعى جىلۋ بەرۋ ماۋسىمىندا سول قۇرىلعىلاردى ورناتامىز، — دەدى مامان.
