1 maýsym – Halyqaralyq balalardy qorǵaý kúninde Qyzylordada birqatar áleýmettik mańyzy bar iri nysandar qoldanysqa berildi. Ashylý rásimine Qazaqstan Respýblikasy Premer-ministriniń orynbasary Ermek Kósherbaev, oblys ákimi Nurlybek Nálibaev pen birqatar ziialy qaýym ókili qatysty.
Mereke qarsańynda paidalanýǵa berilgen qaita jańǵyrtýdan ótken qalalyq mádeni-demalys parki qala turǵyndary men qonaqtarynyń kóńilinen shyqty.
Balalarǵa arnalǵan oiyn alańdary, jaryq shamdar men zamanaýi infraqurylym kópshiliktiń joǵary baǵasyna ie boldy.
Saltanatty sharada aimaq basshysy balalardy merekemen quttyqtap, jyly lebizin bildirdi.
– Prezidentimiz Qasym-Jomart Kemeluly: «Ul-qyzdarymyzdyń parasatty, jan-jaqty bolyp ósýine jaǵdai jasaý, jas azamattarymyzdyń quqyǵyn qorǵap, densaýlyǵyn saqtaý – memleketimizdiń basty mindeti», - degen bolatyn. Búgin aimaǵymyz úshin aitýly kún. Merekege orai qaita jańǵyrtýdan ótken qalalyq mádeni-demalys parki, fizika-matematika mektep-internaty, mýzykalyq kolledjdiń jańa ǵimaraty, oblystyq tarihi-ólketaný mýzeii ashylýda.
Dál osy kúni lentasy qiylǵan kezekti nysan – fizika-matematika baǵytyndaǵy «Bilim-innovatsiia» litsei-internaty. Ashylý rásimine akademik, Memlekettik syilyqtyń iegeri, fizika-matematika ǵylymdarynyń doktory, Qazaqstannyń Eńbek Eri Asqar Jumadildaev pen «Bilim-innovatsiia» Halyqaralyq qoǵamdyq qorynyń prezidenti Darhan Óte arnaiy qatysty.
Sondai-aq, Qazanǵap atyndaǵy Qyzylorda mýzykalyq kolledjiniń jańa ǵimaraty da el igilige tabystaldy. Jańa ǵimaratta stýdentterge barlyq jaǵdai jasalǵan. Oblys ákimi óz sózinde óner qairatkerleriniń laiyqty izin jalǵaityn óner ordasynyń Syr mádenietiniń qara shańyraǵyna ainalǵanyn aitty.
– Elý jylǵa jýyq tarihy bar Qazanǵap atyndaǵy Qyzylorda mýzykalyq joǵary kolledji Syr topyraǵynda urpaqtan urpaqqa jalǵasqan mádeni muranyń, ulttyq ónerdiń kemeldenýine zor úles qosyp keledi. Búginge deiin oqý orny talapqa sai kelmeitin eski ǵimaratta qiyndyqtarǵa qaramastan jastarǵa bilim berip, ónerge baýlydy. Jańa ǵimaratta stýdentterge barlyq jaǵdai jasalǵan. Úlken kontsert, bi zaldary, hor bólmesi bar. Keń mýzykalyq pándik kabinetter jańa zamanaýi qural-jabdyqtarmen qamtylǵan. Materialdyq-tehnikalyq bazasy zaman talabyna sai keletin 200 oryndyq jataqhana shalǵai eldi mekennen kelgen jas órenderdi qabyldaýǵa daiyn, – dedi N. Nálibaev.
Sonymen qatar, oblystyq tarihi-ólketaný mýzeiiniń jańa ǵimaraty da qoldanysqa berildi. Premer-ministrdiń orynbasary Ermek Kósherbaev Syr elindegi baiypty bastamalarǵa oń baǵasyn berip, turǵyndardy jańa ǵimarattyń ashylýymen quttyqtady.
Aimaq basshysy jańa ǵimarattyń ult rýhaniiatyna qyzmet etip, mádeni muralardyń ordasyna ainalýyna tilegin bildirdi.
