Qyzylorda oblysynyń ákimi Nurlybek Nálibaev mansapta kóterilýine "marqum aǵasy Berdibek Saparbaevtyń yqpaly boldy ma?" degen saýalǵa jaýap berdi, - dep habarlaidy Dalanews.kz.
Berdibek Saparbaev uzaq jyl túrli óńirde ákim boldy, Úkimette de jaýapty laýazymdy qyzmetter atqarǵan bolatyn.
"Qazaq qai kezde de úlkendi syilaidy. Úlkenge qarap boi túzeidi. Ol kisiniń kóp jaqsy qasietin úirendik, árdaiym aqyl-keńesin aityp júrdi. "Elge jumys jasa, taza jumys jasa, abyroiǵa jumys jasa" dep únemi aqylyn-keńesin berip júrdi. Ony joǵary baǵalaimyz. Elge jasaǵan qyzmetin áli kúnge deiin aityp júr. Biz de sol kisi siiaqty jumys jasaǵymyz keledi. Artymyzda durys iz qaldyrǵymyz keledi.
Biraq ana kisige habarlasyp, myna kisige habarlasyp, "mynandai qyzmetke qoi" dep aitqan emes. Biraq, árine, ol kisiniń tárbiesin alyp óstik. Qazir de ol kisiniń aitqan sózderi aldymyzdan shyǵyp jatady", - dep jaýap berdi sheneýnik "Jetinshi arnaǵa" suhbatynda.
Aita keteiik, marqum saiasatker Berdibek Saparbaev 2022 jyly 7 sáýirde Jambyl oblysynyń ákimi qyzmetinen ketken bolatyn. Bul kúni eki aǵaiyndynyń biri - Berdibek Saparbaev oblys ákimi qyzmetinen ketse de, ózge óńirde inisi Nurlybek Nálibaev dál osyndai qyzmetke keldi.
2020 jyly 7 sáýirde Nurlybek Nálibaev Qyzylorda oblysyna jańa ákim bolyp taǵaiyndaldy.
Nálibaev 1976 jyly 13 qazanda Qyzylorda oblysynyń Jańaqorǵan aýdanynda týǵan. Jambyl oblysynyń eks-ákimi Berdibek Saparbaev ta Qyzylorda oblysy Jańaqorǵan aýdanynda dúniege kelgen.
Ashyq derekkóz málimetine súiensek, Nurlybek Nálibaevtyń ákesi - Nálibaev Mashbek Saparbaiuly, anasy - Nálibaeva Bibish Nurmanqyzy. Berdibek Saparbaevtyń da ákesi Nálibaev Máshbek Saparbaiuly ekeni, al anasy - Nálibaeva Bibish ekeni kórsetilgen. Demek, Saparbaevtar bir-birine týǵan aǵaly-inili bolyp keledi.
