Aral-Syrdariia basseindik inspektsiiasynyń mamandary Qyzylorda oblysyndaǵy sý nysandaryn tekserdi. Nátijesinde Qyzylózek aýyldyq okrýgi aýmaǵyndaǵy Syrdariia ózeniniń Qaraózek tarmaǵynan óz betinshe sý tartýmen ainalysqan 13 zańsyz sorǵy qondyrǵysy anyqtaldy,- dep habarlaidy Dalanews.kz
Qazirgi ýaqytta quqyq qorǵaý organdarymen birlesip, buzýshylyqqa jol bergen tulǵalardy anyqtaý jáne olardy ákimshilik jaýapkershilikke tartý jumystary júrgizilip jatyr.
Buǵan deiin Qyzylorda oblysynda alty sharýa qojalyǵynyń 2,3 mln tekshe metrden astam sýdy zańsyz paidalanǵany belgili bolǵan edi.
Sondai-aq Aral-Syrdariia basseindik inspektsiiasy mamandary Shardara aýdandyq prokýratýrasymen birlesip, Túrkistan oblysynda 24 tirkelmegen sorǵy qondyrǵysyn anyqtady. Al Jaiyq-Kaspii basseindik inspektsiiasy Aqtóbe oblysynda 5 kásiporynnyń sýdy zańsyz paidalanǵany jóninde derek tirkedi.
«Sýdyń «kóleńkeli naryǵyna» qarsy jumystar jalǵasady. Zań buzǵandar mindetti túrde anyqtalyp, jaýapqa tartylady. Budan bólek, el boiynsha basseindik inspektsiia mamandary sharýalarmen jáne basqa da sý paidalanýshylarǵa sýdy zańsyz tartyp alýǵa jol bermeý týraly túsindirý jumystaryn júrgizip jatyr»,– dedi Sý resýrstary jáne irrigatsiia birinshi vitse-ministri Nurlan Aldamjarov.
