Sý resýrstary jáne irrigatsiia ministri Nurjan Nurjigitov sýdyń «kóleńkeli naryǵyna» qarsy kúres máseleleri boiynsha apparat otyrysyn ótkizdi. Qyzylorda oblysynda alty sharýa qojalyǵynyń sýdy zańsyz paidalanǵany anyqtaldy,- dep habarlaidy Dalanews.kz
Biyl vegetatsiialyq kezeń bastalǵaly beri óńirde ruqsatsyz alynǵan sýdyń kólemi 2,3 mln tekshe metrden asqan. Bul sýdyń barlyǵy kúrish alqaptaryn sýarýǵa paidalanylǵan. Ótken aptadaǵy apparat otyrysynda Sý resýrstary jáne irrigatsiia ministrliginiń mamandarynan tórt jumys toby qurylǵan bolatyn. Bul toptar Qazaqstannyń ońtústik oblystarynda sýdy zańsyz paidalaný faktilerin tekserip qana qoimai, sý únemdeý, retteý jáne aýyl sharýashylyǵy taýar óndirýshilerine sý jetkizý máseleleri boiynsha monitoring júrgizip jatyr.
Eske sala ketsek, buǵan deiin Aral-Syrdariia basseindik inspektsiiasynyń mamandary Shardara aýdany prokýratýrasymen birlesip, Túrkistan oblysynda tirkelmegen 24 sorǵy qondyrǵysyn anyqtaǵan bolatyn.
«Sý únemdeý men sýarmaly sýdy durys úlestirýdi qamtamasyz etý maqsatynda biyl «Qazsýshar» kásipornymen tiisti kelisimshartqa otyrǵan sharýa qojalyqtaryna ǵana sý beriledi. Jergilikti jerlerde tekserýler mindetti túrde jalǵasady jáne sýdy zańsyz paidalaný faktileriniń bári anyqtalyp, zań buzǵandar jaýapkershilikke tartylady. Jańa jyldan bastap sharýalarmen sý berý týraly kelisimsharttar tek elektrondy formatta jasalýy tiis. Barlyq kelisimshartty onlain júie arqyly tekserip, kelisilgen kólemdegi sýdyń berilip jatqanyn jáne kórsetilgen daqyldardyń rasymen ósirilip jatqanyn baqylap otyrý úshin osy máseleni pysyqtaý qajet»,– dedi Sý resýrstary jáne irrigatsiia ministri Nurjan Nurjigitov.
