Prezıdent tapsyrmasymen Qyzylorda oblysynda qaıtarylǵan aktıvter qarajaty esebinen 7 mlrd teńgege jańa medısınalyq mekemeler salynady. Bul týraly Úkimettiń baspasóz qyzmeti málim etti,- dep habarlaıdy Dalanews.kz
Memleket basshysynyń tapsyrmasyn júzege asyrý aıasynda Qazaqstanda zańsyz shetelge shyǵarylǵan aktıvterdi elge qaıtarý arqyly áleýmettik nysandar salý jumystary jalǵasyp jatyr. Arnaýly memlekettik qordan Qyzylorda oblysyndaǵy densaýlyq saqtaý salasyndaǵy birqatar jobaǵa shamamen 7 mlrd teńge bólindi.
Bul qarajat Aral, Qazaly, Shıeli jáne Jańaqorǵan aýdandaryndaǵy ortalyq aýdandyq aýrýhanalar janynan jańa ǵımarattar salýǵa baǵyttalǵan.
Onda ınsýlt ortalyqtary, rentgenhırýrgıa bólimsheleri jáne basqa da beıindi bólimder ashylyp, zamanaýı medısınalyq jabdyqtar: magnıttik-rezonanstyq tomografıa, kompúterlik tomografıa jáne angıografıalyq qondyrǵylar ornatylady.
Jobalar júzege asqan soń aýyldyq jerlerdegi 300 myńnan astam turǵyn mamandandyrylǵan medısınalyq kómekke qol jetkizedi.
Nysandardy bıyl paıdalanýǵa berý josparlanǵan.
