پرەزيدەنت تاپسىرماسىمەن قىزىلوردا وبلىسىندا قايتارىلعان اكتيۆتەر قاراجاتى ەسەبٸنەن 7 ملرد تەڭگەگە جاڭا مەديتسينالىق مەكەمەلەر سالىنادى. بۇل تۋرالى ٷكٸمەتتٸڭ باسپاسٶز قىزمەتٸ مەلٸم ەتتٸ,- دەپ حابارلايدى Dalanews.kz
مەملەكەت باسشىسىنىڭ تاپسىرماسىن جٷزەگە اسىرۋ اياسىندا قازاقستاندا زاڭسىز شەتەلگە شىعارىلعان اكتيۆتەردٸ ەلگە قايتارۋ ارقىلى ەلەۋمەتتٸك نىساندار سالۋ جۇمىستارى جالعاسىپ جاتىر. ارناۋلى مەملەكەتتٸك قوردان قىزىلوردا وبلىسىنداعى دەنساۋلىق ساقتاۋ سالاسىنداعى بٸرقاتار جوباعا شامامەن 7 ملرد تەڭگە بٶلٸندٸ.
بۇل قاراجات ارال, قازالى, شيەلٸ جەنە جاڭاقورعان اۋداندارىنداعى ورتالىق اۋداندىق اۋرۋحانالار جانىنان جاڭا عيماراتتار سالۋعا باعىتتالعان.
وندا ينسۋلت ورتالىقتارى, رەنتگەنحيرۋرگييا بٶلٸمشەلەرٸ جەنە باسقا دا بەيٸندٸ بٶلٸمدەر اشىلىپ, زاماناۋي مەديتسينالىق جابدىقتار: ماگنيتتٸك-رەزونانستىق توموگرافييا, كومپيۋتەرلٸك توموگرافييا جەنە انگيوگرافييالىق قوندىرعىلار ورناتىلادى.
جوبالار جٷزەگە اسقان سوڭ اۋىلدىق جەرلەردەگٸ 300 مىڭنان استام تۇرعىن مامانداندىرىلعان مەديتسينالىق كٶمەككە قول جەتكٸزەدٸ.
نىسانداردى بيىل پايدالانۋعا بەرۋ جوسپارلانعان.
