2024 jylǵy qańtar-aqpan aılarynyń qorytyndysymen Qyzylorda oblysy negizgi ekonomıkalyq makrokórsetkishter ósimi boıynsha birinshi orynda. Bul týraly Premer-mınıstrdiń orynbasary – Ulttyq ekonomıka mınıstri Nurlan Baıbazarov Úkimet otyrysynda aıtty.
Munan bólek, Úkimet basshysynyń orynbasary Qyzylorda oblysy negizgi kapıtalǵa ınvestısıa tartý jáne óńdeý ónerkásibiniń ósý qarqyny boıynsha birinshi, qurylys sektoryndaǵy ósim kórsetkishi boıynsha ekinshi orynda ekenin atap ótti.
Májiliste QR Premer-mınıstri Oljas Bektenov Syr óńiri eki aı qorytyndysymen joǵary damý kórsetkishterine qol jetkizgenin aıtty. «Qańtar-aqpan aılarynda el ekonomıkasy 4,2%-ǵa, barlyq makrokórsetkishter Qyzylorda, Batys Qazaqstan, Shyǵys Qazaqstan, Soltústik Qazaqstan, Túrkistan, Abaı oblystary men Astana qalasynda ósti», – dedi Úkimet basshysy.
Úkimet otyrysynan keıingi arnaıy májiliste oblys ákimi Nurlybek Nálibaev qazirgi joǵary damý qarqynyn saqtaýdy jáne búdjet qarajatyn tolyq ıgerýdi tapsyrdy.
- DALA INSIDE-qa ótý
- USD 482.7
- EUR 535.5
- RUB 5.37
![menu-image](/themes/dalanews/images/main_page.png)