Búginnen bastap Qazaqstan men Qytaı arasynda áýe tasymaly ýaqytsha toqtatyldy. Indýstrıa jáne ınfraqurylymdyq damý mınıstrliginiń málimetinshe, bul jaǵdaı QHR-da jappaı koronavırýs indetiniń taralýyna baılanysty eken. Eki el arasyndaǵy áýe baılanysy qashanǵa deıin toqtatylǵany ázirge belgisiz.

Mınıstrliktiń málimdeýinshe, 27 qańtardan bastap Almaty - Nur-Joly - Úrimshi, Óskemen - Maıqapshaǵaı - Úrimshi, Jarkent - Qorǵas - Qulja, Aıagóz - Baqty - Zımunaı baǵytyndaǵy avtobýs qatynasy toqtalyǵan. Al 1-aqpannan bastap áýe tasymalymen birge Qytaıǵa baǵyttalǵan jolaýshylar poıyzdary da toqtatylypty.

Buǵan deıin QHR-da jarıalanǵan karantınge baılanysty Ýhan qalasynan 83 qazaqstandyq azamattar men armenıalyq, qyrǵyz men belarýsıalyq 24 azamat evakýasıalanǵan edi.

Qazaqstannan Qytaıǵa Nur-Sultan jáne Almaty men Beıjiń, Úrimshi, Sıan, Saná, Haıkeo qalalarynyń arasynda otandyq Air Astana, SCAT jáne qytaılyq  China Southern Airlines, Air China áýe tasymaldaýshylary qatynaıtyn edi.

Mınıstrlik ókilderi 2020 jyldyń 3 aqpanynan keıin Qytaıǵa sapar shekpekshi bolyp, áýe bıletin satyp alǵan turǵyndarǵa ony keri qaıtarý qajet dep aıtty.

"Bılet satyp alýǵa ketken soma aıyppuldyq sanksıasyz tolyǵymen qaıtarylatyn bolady", - delingen resmı habarlamada.