Jetisai aýdanynyń ákimi Serik Mamytov qonaqtardy qabyldap, erkin formatta kezdesý ótkizdi.
Jiyn barysynda sý sharýashylyǵy men kópir, avtomobil jáne temir jol salý, bidai eksporty men importy, aýyr júk kólikteri men jolaýshy tasymaldaýshy, jedel járdem kólikterin, jeńil kólikter men qosalqy bólshekterin, aýyl sharýashylyǵy tehnikalaryn, sút ónimderin tereń óńdeýge arnalǵan qural-jabdyqtardy satýmen ainalysatyn «Noah Ark» Company» saýda kompaniiasynyń ókilderi Liý Haigýa men Chen Bin Jetisai aýdanynyń sharýalarynan júgeri, arpa, kebek, qant qyzylshasy, qoi jáne siyr, taýyq etteri men maqta shikizatyn, kúnbaǵys satyp alýǵa nietti ekenin jetkizdi.
– Investorlar tarapynan aýdanǵa maqta shikizatyn tereń óńdep, daiyn ónim, iaǵni jip iirip, mata toqityn, kiim tigetin, maqta maiy men mal azyqtaryn óńdeitin zaýyt pen aýdandaǵy elektr tapshylyǵyn joiý úshin kún elektr stantsiiasyn salý kerek.
Odan bólek shikizatynan qiyndyq bolmaityn baqsha daqyldaryn óńdeitin kásiporyndardy salýǵa atsalyssańyzdar, – degen aýdan ákimi aýdanǵa investitsiia salatyn kásipkerlerge infraqurylym jetkizip berý men jeńildetilgen nesie alý máseleleri boiynsha kómek kórsetiletinin jetkizdi. Ekijaqty aitylǵan usynys-pikirler talqylandy. Qazaqy saltpen qonaqtarǵa qurmet kórsetildi.
Resmi kezdesýden soń delegatsiia músheleri aýdandaǵy «Nuraly jol» sharýa qojalyǵynyń maqtalyq alqabyn, Maqtaly aýyldyq okrýgindegi «Maqtaly Agro» JShS bazasyndaǵy qaýynqaq, qytyrlaq (chipsy) óndiretin shaǵyn tsehtyń jáne Maqtaaral aýdany, Maqtaaral aýyldyq okrýginde ornalasqan «Atameken MK» JShS maqta óńdeý zaýytynyń jumysymen tanysty. Qytailyq «Noah Ark» Company» saýda kompaniiasynyń ókilderi naqty sheshimge kelý úshin arnaiy saraptamadan ótkizý maqsatynda ónimderden synamalar aldy.
Aýdanda ósiriletin tehnikalyq daqyl men baqsha ónimderi investorlardyń talaptaryna sáikes kelse aýdanda taǵy birneshe kún elektr stantsiiasy, maqta talshyǵyn tereń óńdeý, qaýynnan qytyrlaq (chipsy) men iogýrt, qaýynqaq, sút ónimderin óndiretin kásiporyndar salynady.
