جەتٸساي اۋدانىنىڭ ەكٸمٸ سەرٸك مامىتوۆ قوناقتاردى قابىلداپ, ەركٸن فورماتتا كەزدەسۋ ٶتكٸزدٸ.
جيىن بارىسىندا سۋ شارۋاشىلىعى مەن كٶپٸر, اۆتوموبيل جەنە تەمٸر جول سالۋ, بيداي ەكسپورتى مەن يمپورتى, اۋىر جٷك كٶلٸكتەرٸ مەن جولاۋشى تاسىمالداۋشى, جەدەل جەردەم كٶلٸكتەرٸن, جەڭٸل كٶلٸكتەر مەن قوسالقى بٶلشەكتەرٸن, اۋىل شارۋاشىلىعى تەحنيكالارىن, سٷت ٶنٸمدەرٸن تەرەڭ ٶڭدەۋگە ارنالعان قۇرال-جابدىقتاردى ساتۋمەن اينالىساتىن «Noah Ark» Company» ساۋدا كومپانيياسىنىڭ ٶكٸلدەرٸ ليۋ حايگۋا مەن چەن بين جەتٸساي اۋدانىنىڭ شارۋالارىنان جٷگەرٸ, ارپا, كەبەك, قانت قىزىلشاسى, قوي جەنە سيىر, تاۋىق ەتتەرٸ مەن ماقتا شيكٸزاتىن, كٷنباعىس ساتىپ الۋعا نيەتتٸ ەكەنٸن جەتكٸزدٸ.
– ينۆەستورلار تاراپىنان اۋدانعا ماقتا شيكٸزاتىن تەرەڭ ٶڭدەپ, دايىن ٶنٸم, ياعني جٸپ يٸرٸپ, ماتا توقيتىن, كيٸم تٸگەتٸن, ماقتا مايى مەن مال ازىقتارىن ٶڭدەيتٸن زاۋىت پەن اۋدانداعى ەلەكتر تاپشىلىعىن جويۋ ٷشٸن كٷن ەلەكتر ستانتسيياسىن سالۋ كەرەك.
ودان بٶلەك شيكٸزاتىنان قيىندىق بولمايتىن باقشا داقىلدارىن ٶڭدەيتٸن كەسٸپورىنداردى سالۋعا اتسالىسساڭىزدار, – دەگەن اۋدان ەكٸمٸ اۋدانعا ينۆەستيتسييا سالاتىن كەسٸپكەرلەرگە ينفراقۇرىلىم جەتكٸزٸپ بەرۋ مەن جەڭٸلدەتٸلگەن نەسيە الۋ مەسەلەلەرٸ بويىنشا كٶمەك كٶرسەتٸلەتٸنٸن جەتكٸزدٸ. ەكٸجاقتى ايتىلعان ۇسىنىس-پٸكٸرلەر تالقىلاندى. قازاقى سالتپەن قوناقتارعا قۇرمەت كٶرسەتٸلدٸ.
رەسمي كەزدەسۋدەن سوڭ دەلەگاتسييا مٷشەلەرٸ اۋدانداعى «نۇرالى جول» شارۋا قوجالىعىنىڭ ماقتالىق القابىن, ماقتالى اۋىلدىق وكرۋگٸندەگٸ «ماقتالى اگرو» جشس بازاسىنداعى قاۋىنقاق, قىتىرلاق (چيپسى) ٶندٸرەتٸن شاعىن تسەحتىڭ جەنە ماقتاارال اۋدانى, ماقتاارال اۋىلدىق وكرۋگٸندە ورنالاسقان «اتامەكەن مك» جشس ماقتا ٶڭدەۋ زاۋىتىنىڭ جۇمىسىمەن تانىستى. قىتايلىق «Noah Ark» Company» ساۋدا كومپانيياسىنىڭ ٶكٸلدەرٸ ناقتى شەشٸمگە كەلۋ ٷشٸن ارنايى ساراپتامادان ٶتكٸزۋ ماقساتىندا ٶنٸمدەردەن سىنامالار الدى.
اۋداندا ٶسٸرٸلەتٸن تەحنيكالىق داقىل مەن باقشا ٶنٸمدەرٸ ينۆەستورلاردىڭ تالاپتارىنا سەيكەس كەلسە اۋداندا تاعى بٸرنەشە كٷن ەلەكتر ستانتسيياسى, ماقتا تالشىعىن تەرەڭ ٶڭدەۋ, قاۋىننان قىتىرلاق (چيپسى) مەن يوگۋرت, قاۋىنقاق, سٷت ٶنٸمدەرٸن ٶندٸرەتٸن كەسٸپورىندار سالىنادى.
