Qytaidyń Alibaba International Digital Commerce Group kompaniiasyn Qazaqstannyń qosymsha qun salyǵyn tóleýshisi retinde shartty tirkeýge qoiý týraly sheshim qabyldandy, dep jazady Dalanews.kz.
QR Qarjy ministrligi Memlekettik kirister komiteti elimizde elektrondyq kommertsiia men salyq salýdy damytý máseleleri boiynsha Alibaba International Digital Commerce Group kompaniiasymen kezdesý ótkizdi. Kezdesý barysynda MKK men Alibaba International tsifrlyq ekonomikadaǵy halyqaralyq salyq salýdy damytý máselelerin, sondai-aq Qazaqstandaǵy elektrondyq kommertsiia salasyndaǵy salyq zańnamasy men ákimshilendirýdegi sońǵy ózgeristerdi talqylady.
"Kezdesý qorytyndysy boiynsha Alibaba International Digital Commerce Group kompaniiasyn QQS tóleýshisi retinde shartty tirkeýge qoiý týraly sheshim qabyldandy", delingen habarlamada.
MKK Qazaqstan men halyqaralyq kompaniialar arasyndaǵy seriktestik qarym-qatynastardy nyǵaitý jáne elektrondyq kommertsiiany ilgeriletý baǵytynda belsendi jumys júrgizýde. Bul Qazaqstandaǵy salyq ákimshilendirýde ashyqtyqty arttyrýǵa jáne ádil salyq salýǵa yqpal etedi.
Aita ketsek, 2023 jyldyń qorytyndysy boiynsha Qazaqstanda shartty tirkeýden ótken 60 sheteldik kompaniia bar, olar tólegen salyq somasy 34,8 mlrd teńgeni quraidy.
