28 qyrkúiekte Qytaidyń burynǵy aýyl sharýashylyǵy ministri Tan Jentszian para alǵany úshin ólim jazasyna kesildi, dep habarlaidy Dalanews.kz.
NHK málimetteri boiynsha, tiisti sheshimdi Tszilin provintsiiasynyń Chanchýn qalasynyń halyqtyq soty shyǵardy. Tan buǵan deiin ómir boiy saiasatpen ainalysý quqyqtarynan aiyrylǵan bolatyn. Odan bólek barlyq jeke múlki, sondai-aq zańsyz kiristeri memleket paidasyna sai tárkilenedi.
2007 jyldan 2024 jylǵa deiin eks-ministr ortalyq jáne jergilikti deńgeilerde ártúrli laýazymdardy atqara otyryp, uiymdar men azamattarǵa ekonomikalyq qyzmet, kelisimsharttar jáne kadrlyq máseleler siiaqty baǵyttarda kómek kórsetkeni úshin para aldy dep kúdikke ilingen. Paranyń jalpy mólsheri 268 million iýannan asady (shamamen 38 million dollar).
25 shildede ótken sotta burynǵy sheneýnik óziniń kinásin moiyndap, sońǵy aitqan sózine ókinish bildirdi. Osyny eskere otyryp, sot eki jylǵa keiinge qaldyra otyryp, ólim jazasyn qabyldady. Úkimdi keiinge qaldyrý sottalǵan adam osy ýaqyt ishinde jańa qylmystar jasaǵan jaǵdaida ǵana ólim jazasy oryndalatynyn bildiredi. Merzimi aiaqtalǵannan keiin ólim jazasy ómir boiyna bas bostandyǵynan aiyrýǵa aýystyrylady.
Tan Ońtústik Qytaidyń Gýansi-Chjýan avtonomiialyq aýdany halyq úkimeti tóraǵasynyń orynbasary jáne eldiń soltústik-batysyndaǵy Gansý provintsiiasy halyq úkimetiniń tóraǵasy siiaqty qyzmetterdi atqardy. Sondai-aq ol QHR Aýyl sharýashylyǵy jáne aýyldyq ister ministrligi basshylyǵynyń partiialyq tobynyń hatshysy bolǵan.
Buǵan deiin Jambyl oblysy politsiia departamentiniń bastyǵy Baqytjan Malybaev birqatar daýly oqiǵadan keiin qyzmetinen bosatylǵany habarlanǵan. Tamyz aiynyń sońynda Baqytjan Malybaevtyń burynǵy orynbasary zańǵa qaishy áreket jasady degen kúdikpen qamaýǵa alynǵany belgili.
