Qytai Halyq Respýblikasyna jumys sapary aiasynda Batys Qazaqstan oblysynyń ákimi Nariman Tóreǵaliev Tsziansý provintsiiasynyń iri óndiristik jáne saýda konglomerattarynyń biri — Jiangsu SOHO Holding Group memlekettik korporatsiiasynyń basshylyǵymen kezdesý ótkizdi,- dep habarlaidy Dalanews.kz
Is-shara Memleket basshysy Qasym-Jomart Toqaev erekshe nazar aýdaratyn Qazaqstan men Qytai arasyndaǵy óńiraralyq bailanysty nyǵaitý aiasynda ótti. Prezident eki el arasyndaǵy strategiialyq seriktestikti tereńdetýdiń mańyzdy quraly retinde óńirlerdiń tikelei yntymaqtastyǵyn damytý qajettigin únemi atap ótedi.
Jiangsu SOHO Holding Group 380-nen astam kásiporyndy biriktirip, halyqaralyq saýda, logistika, toqyma ónerkásibi, «aqyldy» óndiris jáne qarjylandyrý salasynda aýqymdy jobalardy júzege asyrady. Kompaniianyń syrtqy ekonomikalyq operatsiialarynyń jyldyq kólemi 11 milliard AQSh dollarynan asady, geografiiasy 160-tan astam eldi qamtidy.
Kezdesý barysynda taraptar kelesi baǵyttar boiynsha yntymaqtastyq múmkindikterin talqylady:
- BQO ónimderin SOHO saýda alańdaryna jetkizý;
- «Qytai – Ortalyq Aziia – Eýropa» baǵyty boiynsha logistikalyq toraptardy Qazaqstanda ornalastyrý;
- Qytai tarapynyń aýyl sharýashylyǵy ónimderin qaita óńdeýge jáne saqtaý, ótkizý infraqurylymyn damytýǵa qatysýy.
SOHO-nyń Aziia, Eýropa jáne Taiaý Shyǵys elderindegi kóterme jáne bólshek saýda arnalary jelisi arqyly Batys Qazaqstan oblysynyń ónimderiniń eksportyn ilgeriletý bastamasy erekshe qyzyǵýshylyq týdyrdy. Kompaniia basshylyǵy Batys Qazaqstan oblysynyń biznes ókilderine tegin keńse bólmesin berýge daiyn ekenin bildirdi.
Kelissózder qorytyndysy boiynsha investitsiialyq usynystardy daiyndaý úshin naqty sala deńgeiinde qosymsha konsýltatsiialar ótkizý týraly kelisimge qol jetkizildi.
Oblys ákimi Jiangsu SOHO Holding Group siiaqty joǵary tehnologiialyq jáne halyqaralyq naryqqa baǵyttalǵan seriktestermen yntymaqtastyqty odan ári tereńdetý Qazaqstannyń Qytai men Eýraziia elderi arasyndaǵy senimdi ekonomikalyq kópir retindegi ustanymyn nyǵaitýǵa septigin tigizetinine senim bildirdi.
Bul kezdesý Qazaqstan Respýblikasynyń Qytai Halyq Respýblikasyndaǵy Elshiliginiń qoldaýymen uiymdastyryldy.
