Túrkistan oblysynyń ákimi Nuralhan Kósherov bastaǵan resmi jáne iskerlik delegatsiia Qytai Halyq Respýblikasyna jumys sapary aiasynda Shandýn provintsiiasyndaǵy Lini qalasynda ornalasqan birqatar iri kásiporyndardyń jumysymen tanysty,- dep habarlaidy Dalanews.kz
Delegatsiia aýyl sharýashylyǵy tehnikasyn óndiretin «Shandong Huasheng Zhongtian» zaýytymen, elektr jelilerine arnalǵan metall tirekterdi shyǵaratyn kásiporyn jáne kóshe jaryǵyn qamtamasyz etetin jabdyqtar óndirisimen de tanysty. Barlyq óndiristik oryndar zamanaýi tehnologiialarmen jabdyqtalǵan jáne ónimderin syrtqy naryqqa eksporttaidy.
Kompaniia joǵary berik ári uzaq merzimdilikke negizdelgen metall tirekterdi óndiredi. Bul elektr jelileri men qoǵamdyq jaryqtandyrý sektorlarynda qoldanylady. Kóshelerge arnalyp arnaiy LED shamdar men tolyq jaryq júieleri shyǵarylady, qalalar men ónerkásiptik aimaqtardy jaryqtandyrýǵa qoldanylady.
Kún sáýlesiniń jaryqdiodty shamdary – kún sáýlesin elektr energiiasyna túrlendiredi, ekologiialyq taza.
Oblys ákimi Túrkistan oblysynda jańadan salynyp jatqan zaýyt, fabrikalarǵa yńǵaily jaryqtandyrý quraldaryn keńinen paidalaný joldaryn qarastyrýdy quptap, jaýapty basshylarǵa tiisti tapsyrma berdi.
Túrkistan oblysynda jergilikti infraqurylymdy jańǵyrtý boiynsha da júieli jumystar júrgizilip jatyr. Byltyr óńirde 21 myńnan astam kóshe shamy ornatylyp, onyń 14 myńǵa jýyǵy biýdjet esebinen, qalǵany demeýshilik esebinen iske asyryldy. Biyl qosymsha 7 522 kóshe shamyn ornatý josparlanǵan. Sheteldik jańa tehnologiiany óńirde qoldaný joldary qarastyrylady.
Sondai-aq oblys ákimi bastaǵan resmi jáne iskerlik delegatsiia aýyl sharýashylyǵy tehnikasy kórme ortalyǵyna da baryp, ámbebap benzin qozǵaltqyshtary, baý-baqsha, saiabaq jáne orman sharýashylyǵy tehnikalarynyń sońǵy úlgilerin kórdi.
Sapar qorytyndysy boiynsha taraptar investitsiialyq yntymaqtastyqty keńeitý, jańa óndirister ashý, tehnologiia transferi jáne kadrlar daiarlaý máseleleri boiynsha naqty usynystarmen almasyp, kelissózder júrgizdi.
Túrkistan oblysy ákimdigi sheteldik seriktestermen tyǵyz bailanys ornatyp, óńirge investitsiia tartý jáne jańa óndiristerdi iske qosý arqyly halyqtyń ál-aýqatyn arttyrýdy basty maqsat retinde qoiyp otyr.
Sapar barysynda delegatsiia álemge tanymal «Shandong Kamoya Smart Culture and Tourism Technology Co., Ltd.» kompaniiasynyń zaýytyttaryna baryp, smart kapsýlaly úiler, tasymaldanatyn modýldik qurylymdar jáne zamanaýi týristik infraqurylym nysandarynyń óndirisimen tanysty. Kompaniia men BNK GROUP LTD JShS arasynda kapsýlaly úilerdi qurastyrý boiynsha birlesken joba bastalyp ketti. Aldaǵy ýaqytta bul úiler Túrkistanda «KHAN TAU» brendimen óndiriletin bolady. Qazirgi tańda alǵashqy daiyn ónim Túrkistan óńirine jóneltýge ázir.
