تٷركٸستان وبلىسىنىڭ ەكٸمٸ نۇرالحان كٶشەروۆ باستاعان رەسمي جەنە ٸسكەرلٸك دەلەگاتسييا قىتاي حالىق رەسپۋبليكاسىنا جۇمىس ساپارى اياسىندا شاندۋن پروۆينتسيياسىنداعى ليني قالاسىندا ورنالاسقان بٸرقاتار ٸرٸ كەسٸپورىنداردىڭ جۇمىسىمەن تانىستى,- دەپ حابارلايدى Dalanews.kz
دەلەگاتسييا اۋىل شارۋاشىلىعى تەحنيكاسىن ٶندٸرەتٸن «Shandong Huasheng Zhongtian» زاۋىتىمەن, ەلەكتر جەلٸلەرٸنە ارنالعان مەتالل تٸرەكتەردٸ شىعاراتىن كەسٸپورىن جەنە كٶشە جارىعىن قامتاماسىز ەتەتٸن جابدىقتار ٶندٸرٸسٸمەن دە تانىستى. بارلىق ٶندٸرٸستٸك ورىندار زاماناۋي تەحنولوگييالارمەن جابدىقتالعان جەنە ٶنٸمدەرٸن سىرتقى نارىققا ەكسپورتتايدى.
كومپانييا جوعارى بەرٸك ەرٸ ۇزاق مەرزٸمدٸلٸككە نەگٸزدەلگەن مەتالل تٸرەكتەردٸ ٶندٸرەدٸ. بۇل ەلەكتر جەلٸلەرٸ مەن قوعامدىق جارىقتاندىرۋ سەكتورلارىندا قولدانىلادى. كٶشەلەرگە ارنالىپ ارنايى LED شامدار مەن تولىق جارىق جٷيەلەرٸ شىعارىلادى, قالالار مەن ٶنەركەسٸپتٸك ايماقتاردى جارىقتاندىرۋعا قولدانىلادى.
كٷن سەۋلەسٸنٸڭ جارىقديودتى شامدارى – كٷن سەۋلەسٸن ەلەكتر ەنەرگيياسىنا تٷرلەندٸرەدٸ, ەكولوگييالىق تازا.
وبلىس ەكٸمٸ تٷركٸستان وبلىسىندا جاڭادان سالىنىپ جاتقان زاۋىت, فابريكالارعا ىڭعايلى جارىقتاندىرۋ قۇرالدارىن كەڭٸنەن پايدالانۋ جولدارىن قاراستىرۋدى قۇپتاپ, جاۋاپتى باسشىلارعا تيٸستٸ تاپسىرما بەردٸ.
تٷركٸستان وبلىسىندا جەرگٸلٸكتٸ ينفراقۇرىلىمدى جاڭعىرتۋ بويىنشا دا جٷيەلٸ جۇمىستار جٷرگٸزٸلٸپ جاتىر. بىلتىر ٶڭٸردە 21 مىڭنان استام كٶشە شامى ورناتىلىپ, ونىڭ 14 مىڭعا جۋىعى بيۋدجەت ەسەبٸنەن, قالعانى دەمەۋشٸلٸك ەسەبٸنەن ٸسكە اسىرىلدى. بيىل قوسىمشا 7 522 كٶشە شامىن ورناتۋ جوسپارلانعان. شەتەلدٸك جاڭا تەحنولوگييانى ٶڭٸردە قولدانۋ جولدارى قاراستىرىلادى.
سونداي-اق وبلىس ەكٸمٸ باستاعان رەسمي جەنە ٸسكەرلٸك دەلەگاتسييا اۋىل شارۋاشىلىعى تەحنيكاسى كٶرمە ورتالىعىنا دا بارىپ, ەمبەباپ بەنزين قوزعالتقىشتارى, باۋ-باقشا, ساياباق جەنە ورمان شارۋاشىلىعى تەحنيكالارىنىڭ سوڭعى ٷلگٸلەرٸن كٶردٸ.
ساپار قورىتىندىسى بويىنشا تاراپتار ينۆەستيتسييالىق ىنتىماقتاستىقتى كەڭەيتۋ, جاڭا ٶندٸرٸستەر اشۋ, تەحنولوگييا ترانسفەرٸ جەنە كادرلار دايارلاۋ مەسەلەلەرٸ بويىنشا ناقتى ۇسىنىستارمەن الماسىپ, كەلٸسسٶزدەر جٷرگٸزدٸ.
تٷركٸستان وبلىسى ەكٸمدٸگٸ شەتەلدٸك سەرٸكتەستەرمەن تىعىز بايلانىس ورناتىپ, ٶڭٸرگە ينۆەستيتسييا تارتۋ جەنە جاڭا ٶندٸرٸستەردٸ ٸسكە قوسۋ ارقىلى حالىقتىڭ ەل-اۋقاتىن ارتتىرۋدى باستى ماقسات رەتٸندە قويىپ وتىر.
ساپار بارىسىندا دەلەگاتسييا ەلەمگە تانىمال «Shandong Kamoya Smart Culture and Tourism Technology Co., Ltd.» كومپانيياسىنىڭ زاۋىتىتتارىنا بارىپ, سمارت كاپسۋلالى ٷيلەر, تاسىمالداناتىن مودۋلدٸك قۇرىلىمدار جەنە زاماناۋي تۋريستٸك ينفراقۇرىلىم نىساندارىنىڭ ٶندٸرٸسٸمەن تانىستى. كومپانييا مەن BNK GROUP LTD جشس اراسىندا كاپسۋلالى ٷيلەردٸ قۇراستىرۋ بويىنشا بٸرلەسكەن جوبا باستالىپ كەتتٸ. الداعى ۋاقىتتا بۇل ٷيلەر تٷركٸستاندا «KHAN TAU» برەندٸمەن ٶندٸرٸلەتٸن بولادى. قازٸرگٸ تاڭدا العاشقى دايىن ٶنٸم تٷركٸستان ٶڭٸرٸنە جٶنەلتۋگە ەزٸر.
