Qazaqstan bosqyn mártebesin bermegen soń ótken jyly Shvetsiiaǵa ketken Sairagúl Saýytbai alǵashqylardyń biri bolyp Qytaidaǵy qaita saiasi tárbieleý lagerlerindegi azaptaý men kúshteý sharalaryn aityp, halyqaralyq qaýymdastyq máselege nazar aýdarǵan edi.
«Bul – Qytaidyń ishki isine aralasýǵa baǵyttalǵan arandatý áreketi» dep jazdy elshi 6 naýryzda Facebook-taǵy paraqshasynda. Ol sharany tutas «qyzyqsyz tsirkke» teńedi.
Úsh jyldan beri Qytaidyń Shyńjań ólkesinde uiǵyrlar, qazaqtar, qyrǵyzdar, tatarlar jáne basqa da musylmandardy qýdalap, «saiasi tárbieleý ortalyqtaryna» jiberip jatqany aitylyp keledi. Qazaqstanda da júzdegen adam týystarynyń Shyńjańda qamaýda otyrǵanyn aityp, bilikten kómek suraǵan.
Chjan Siao Facebook jazbasynda Shyńjańda musylmandardyń qýdalaý kórip jatqanyn joqqa shyǵaryp, Vashingtondy «Shyńjań-Uiǵyr avtonomiialyq ólkesindegi máseleni qaita-qaita kóterip, Qytaidy qaralap, jala jaýyp jatyr» dep aiyptady. Ol jazbasynda saiasi lagerlerdi «kásipke baýlý ortalyqtary» dep atap, Shyńjańdaǵy ahýal "qaýipsiz bola bastady" dedi.
– Kásipke baýlý ortalyqtarynan shyqqandar jumysqa ornalasyp, nápaqa taýyp júr, endigári qoǵamǵa qaýipti emes. Qytaidyń oilap tapqan ortalyqtary – ekstremizmmen kúresýdiń tiimdi amaly ekenin tájiribe dáleldedi, – dep jazdy ol.
Ol Sairagúl Saýytbaidy «otanyn satyp ketti» dep aiyptap, batyldyǵyna kúmán keltirdi.
https://dalanews.kz/49817
