Sinoptikter 1 jeltoqsanda aýa raiy qandai bolatynyn aitty, dep habarlaidy Dalanews.kz.
Qazaqstannyń basym bóliginde atmosferalyq frontaldy bólikterdiń ótýimen aýa raiy turaqsyz bolady – jańbyr jáne qar túrindegi jaýyn-shashyn túsedi. Respýblikanyń soltústiginde, shyǵysynda, ortalyǵynda jaiaý burqasyn, kóktaiǵaq boljanady. Tek respýblikanyń batysynda, ońtústik-shyǵysynda antitsiklon jotasynyń yqpalynda jaýyn-shashynsyz aýa raiy kútiledi.
Temperatýralyq fon boiynsha elimizdiń soltústiginde aýa temperatýrasynyń sál joǵarylaýy kútiledi – túnde 0–8 gradýs aiaz, kúndiz 0–5 gradýs jyly. Ońtústik-shyǵysta kúndiz temperatýranyń birtindep 3–11 gradýs jylyǵa deiin tómendeýi, taýly aimaqtarda 0–5 gradýs aiaz kútiledi. Eldiń qalǵan aýmaqtarynda temperatýralyq fonda aitarlyqtai ózgerister kútilmeidi.
